Daylight Serenade (II)

El otru día amenacé con grabar el tema esti, y el vienres fícelo asina: arreglélo un pocoñín y tuve grabando. Y non me disgusta cómo quedó, anque el tempo nun tea bien siempres, y blablabla.

Tampoco ta grabao de una vez. Per un lláu, porque yo nun pueo tocar el acompañamientu y la melodía al mesmu tiempu (anque hai xente que lo fai tranquilamente, y hasta toca percusión). Eso fai que tenga que grabar primero el acompañamientu, con metrónomu. Y lluéu, el mi ordenador a veces chifla un poco si reproduz mientras grabes, así que la melodía grábola tamién con metrónomu ensin escuchar el acompañamientu. Y nunca me queda bien amestáo.

Aparte, confúndome delles veces, y faigo un pocoñín de trampa, y envede volver a grabalo too, igual aprovecho y grabo sólo un cachu y améstolo a lo que hebía.

Pero en fin, nun me suena mal del too, porque paezse a lo que quería facer. Asina que ya tengo otra canción mía. Ya nun se pue decir "la canción de Guti", porque ya hai dos :-) (y dalguna otra que tovía nun grabé). Agradécense les crítiques.

Grabáo'n Uviéu con guitarra Ibanez Artcore AG75 y amplificaor Roland MicroCube n'Audacity. La pista de la melodía quedárame mui seca y añadí-y un misquitín d'ecu con Audacity.

Daylight Serenade, completa [MP3, 2,8 MB]