Testu n"asturiano Texto en español Cómo facer panorámiques / cómo hacer panorámicas (II). Visita virtual.

Anterior

[Este artículo describe cómo poner una foto panorámica de 360º en Internet para hacer "visitas virtuales" interactivas, todo ello con software gratuito y una cámara normal y corriente. Si algún lector no entiende el asturiano y quiere que lo traduzca, puede decirlo en los comentarios y lo haré gustosamente.

Actualización (20-01-2010): Me han pedido en los comentarios que traduzca este, y así lo he hecho: ya está disponible en castellano.]

Voi retomar el tema de les visites virtuales. Cuantayá que escribí cómo se podíen facer semeyes panorámiques ensin una cámara afayaíza, y agora voy cuntar cómo pue ponese na rede una visita virtual en 360º.

Pa esto convién emplegar un trípode, porque les semeyes tienen que tar, na midida de lo posible, bien feches. Plantes el trípode nel centru la sala o paisaxe, y pones la cámara bien horizontal (el mi trípode ye baratucu, pero tien un nivel de burbuxa pa ello). Entós entames a sacar semeyes pa una panorámica como diximos nel otru artículu, pero teniendo en cuenta dos coses: una, que pa xirar la cámara aprovechamos el trípode, calteniendo la horizontal perfecha. Dos, que vamos facer semeyes hasta que deamos la vuelta entera, faciendo una cabera semeya que ye cásique igual que la primera. Depende de la cámara y de milenta coses y como nun entiendo muncho nun sé dar regles, pero por exemplu y pa facese una idega, yo con una Lumix pémeque facía del ordre de 20 semeyes pa dar la vuelta entera.

Con eso tenemos un "cinturón" horizontal de tol paisaxe. Curiáu si tamos nuna habitación y hai cristales o espeyos, porque vamos salir nosotros na semeya; nesi casu, hai que usar el temporizador de la cámara, y dempués de da-y al botón escondese o separtase pa nun salir reflexáu.

Fecho esto, podemos sacar tamién un poco p'arriba o p'abaxo de la horizontal, si queremos. Yo apunto la cámara un pocoñín p'abaxo, de manera que, como siempre, del ordre del 40% de la parte d'arriba de la semeya seya repetía cola parte d'abaxo de les de enantes. Y otra vegada lo mesmo: una vuelta entera faciendo semeyes. Y tamién apuntando otru pocoñín p'arriba. Yo facíalo asina; el centro, abaxo y arriba.

Una vez tienes toles semeyes, que nel mi casu yeren del ordre de 60, métes-yles al programa que les amesta, nel mi casu el ICE (ver artículu anterior), y él va facete una semeya como esta, por exemplu. Esto ye del salón de mi casa; ehí se ve que na semeya ta "to'l salón" metíu nun planu:



Esa semeya pue reducise de tamañu, o lo que ún quiera. Pero agora namás falta metela nuna páxina web, de manera que se puea rabilar col ratón.

Nesti casu vamos emplegar una teunoloxía que se llama "applet". Ye un programa que pué executase dientro una páxina (nun rectángulu de la mesma, como si fora una semeya pero viva); cuandu la abres nel navegaor, esti carga el programa, y execútalu. El programa ye sensible al ratón y les tecles, así que el usuariu pue rabilar nesa "semeya". Y el applet que vamos usar llámase PTViewer. Garres el ficheru .zip, descomprímeslu, y garres el ptviewer.jar y póneslu al lláu de la páxina web onde quies poner la visita, onde te pete. Vamos suponer que la to páxina ta nel directoriu "/paxines" y que el .jar lu pones nel directoriu "/paxines/visor", por exemplu.

Entós, nel código fonte de la páxina pones dalgo asina:

<applet archive="visor/ptviewer.jar" code="ptviewer" width="400" height="300">
<param name="file" value="ElMiSalon.jpg">
<param name="quality" value="3">
<param name="auto" value="0.2">
<param name="bgcolor" value="ebebeb">
El mi salón
</applet>










Ehí se ve que lo que se fai ye cargar el "ptviewer.jar" y pasá-y dellos parámetros. Dalgunos van na mesma etiqueta "applet", y otros van aparte en etiquetes "param". El "width" y el "height" tan en pixels, y son el anchu y altu del rectángulu onde queremos que se vea el salón. El otru parámetru importante ye "file", que ye la semeya que montamos y punxe más arriba.

Con eso (y si la páxina la ves con un navegaor más o menos modernu) ya se ve una semeya del salón, que da vueltes solu. Si se quier, se pue pinchar na semeya y arrastrar, colo que dexa de dar vueltes y muéveslu tú pa onde quieras (pa los lláos y p'arriba y p'abaxo). Tamién pues movete p'arriba y p'abaxo, hasta onde te dexe (según les semeyes que ficieras). Y si das "+" avéreste, y con "-" vas más lloñe.

Poniendo coses nos parámetros puen facese más virgueríes, como poner hotspots nes semeyes (o sea, desplicaciones de dalgún puntu de la foto) o enllazar una semeya a otra páxina, colo que pues facer una visita virtual entera (enganchando, por exemplu, la puerta del salón a la habitación de al lláu). Si busques PTViewer, hai milenta exemplos.

3 comentarios:

Unknown dijo...

perdona podrías traducirlo, lo he intentado leer pero no consigo seguirlo.
Además estoy muy interesado, mis padres tienen una casa rural y creo que es un reclamo más.

Guti dijo...

¡Cómo no! Ahora estoy fuera y no tengo acceso decente a Internet, pero en cuanto pase el fin de semana lo traduciré. Permanezcan atentos a sus pantallas...

Guti dijo...

Bueno, isajou, pues ayer hice la traducción y ya la he subido. Espero que te sirva de algo.

¡Saludos!