Losantos, el mediu ambiente, les cruces y les preguntes d'Ibarretxe

Losantos llama, pa defendese, a políticos del PP. Nun pescancio qué xacíu pue tener esa defensa. ¿Qué importancia pue tener lo que digan o lo que opinen Aguirre, o Zaplana, o Acebes, pa decidir si lo que dixo Losantos ye delitu o non?

Ayeri en CQC sacaron a dos políticos de Murcia falando del reciclaxe de basures (los de CQC punxeron GPS en conteneores de envases y de basura orgánica, y... los dos aportaron al mesmu sitiu). Vimos dos políticos quedar n'evidencia de manera lamentable. Y sobre too, vimos a un conseyeru o conceyal, nun m'alcuerdo, pero sí yera de mediu ambiente... que nun sabía a qué color hebía que tirar el papel y los pulgos de plátanu. Nun sé qué fai falta pa que te pongan na cai.

Sobre lo de los símbolos relixosos nes ceremonies civiles, diba escribir un montón de coses sobre el ridículu que fizo tamién Jáuregui intentando desplicar lo inesplicable. Pero ya me fizo'l trabayu, muncho meyor que yo, Javier Ortiz, colo que pa qué voy amestar yo nada más.

Ibarretxe ya enseñó les sos entrugues y les sos declaraciones rimbombantes y ampuloses. Lo primero que me llama la atención ye que nos telediarios dicen, como cosa importante, que les papeletes pa entrugar nun condenen la violencia. Pero eses papeletes tampoco dicen, por exemplu, que San Sebastián ye guapo. ¿Teníen que decilo? ¿Por qué? (Aparte de eso, lo de Ibarretxe paécenme dos pijaes como dos cases, pero llevaríame tiempu escribilo too.)