Los llibros de 2006

2006 ta terminando.

Igual escribo daqué sobre'l añu enteru otru día, pero güey apetezme apuntar los llibros que lleí esti añu.

Va un tiempu que entamé a apuntar ca llibru que lleo. Pasóme munches veces eso de querer alcordame d'un llibru o d'un autor que dixera daqué interesante, y nun hebía manera. Asina que entamé a dir tomando nota de lo que lleo (anque de xuru que dalgunos me queden ensin apuntar). Como nun me paez que haiga llibru dalu que seya peligrosu de nomar equí, ni nengún llibru prohibíu pela Inquisición, pueo ponelos nel blog envede guardalos nun discu duru que vete a saber ónde va a parar.

Los de más arriba son los caberos (salvo la "Guía...", que nun la apunté nel momentu y nun sé cuándo la lleí). Esta ye la lista:

Blankets (Craig Thompson) (Cómic)
El Incal (Jodorowsky, Moebius) (Cómic)
Patas arriba - La escuela del mundo al revés (Eduardo Galeano)
Octubre (Pasqual Ferry) (Cómic)
La voz de los muertos (Orson Scott Card)
Payasos y monstruos (Albert Sánchez Piñol)
Trastes de bufarda (Xabiero Cayarga)
Hombres de armas (Terrry Pratchett)
La vida y época de los Reyes Católicos (Juan Eslava Galán)
Roma de los césares (Juan Eslava Galán)
La escritura, archivo de la memoria (Georges Jean)
8 mujeres poseídas (Tennessee Williams)
La guerra de Troya (Robert Graves)
11-M - 14-M Onda expansiva (Rosa María Artal)
El mundo es un pañuelo (David Lodge)
Pensamientos secretos (David Lodge)
Trapos sucios (David Lodge)
The hacker crackdown (Bruce Sterling) (ensin terminar, nin ganes que tengo)
El juego de Ender (Orson Scott Card)
El maestro de esgrima (Arturo Pérez Reverte)
El misterio de la cripta embrujada (Eduardo Mendoza)
La espuma de los días (Boris Vian) (Ensin terminar)
Alta fidelidad (Nick Hornby)
El hombre sentimental (Julián Marías)
Aventures (Milio Rodríguez)
Vendrán años peores y nos harán más ciegos (Rafael Sánchez Ferlosio)
El país del fin del mundo (Terry Pratchett)
Ferdydurke (Witold Gombrowicz (Ensin terminar)
Cuentos de Mala Strana (Jan Neruda)
La insoportable levedad del ser (Milan Kundera)
El arte de la novela (Milan Kundera)
Allegro ma non troppo (Giancarlo Cipolla)
Guía del autoestopista galáctico (Douglas Adams)
El ingenioso hidalgo Don Quijote de la Mancha (Miguel de Cervantes Saavedra)

Y de too esto, apetezme apuntar tamién cuálos son los llibros que más me prestaron.

- Alta fidelidad (gracies, Alger, pola recomendación; pémeque la lleí nel tu blog)
- La voz de los muertos (otra recomendación d'alumnos)
- El misterio de la cripta embrujada. Eduardo Mendoza sabe escribir.
- El Quijote, sobre todo la segunda parte. Agora entiendo por qué ye un llibru grande.
- Y, por supuesto, Blankets. Un cómic mui especial.

Y les mayores decepciones foron:

- The hacker crackdown. Un peñazu. Un americanu de la onda hacker mirándose pal ombligu, falando de los sos amigos, o de lo que elli pescancia per un llau o per otru. Pero menuda aburrición.
- Ferdydurke. A Milan Kundera paréz-y una obra maestra, pero anque ye buenu, hai que tar mentalizáu de cierta mena pa lleelu. Nun yera el momentu pa mí. (Pasóme igual con La espuma de los días, anque esi prestábame más, pero tampoco nun yera'l xéneru que me petaba lleer nesi momentu).
- El país del fin del mundo. Un llibru de Pratchett que de xuru yos gusta muncho a los australianos o a los que conocen a los australianos, pero yo, más allá de los chistes d'ocalitos, nun llego.


Aparte, eché'l güeyu a otros llibros pencima, o lleí dalgún que otru cómic non mui grande, que nun apunté (alcuérdome de dalgunu d'Enki Bilal, por exemplu). Pero bueno, nun ta mal pa un añu. Fice amigos perimportantes. Igual falo más d'ellos otru día. Pero güey, con nomalos ye bastante.