Testu n"asturiano Más blues

Fai dellos díes grabé'n casa un solo de blues que fice comu exerciciu pa les mis clases de guitarra. Entós ya dixe que nun valía, y que diba facer otru. Grabélu ayeri'n casa Marco, y anque tien delles coses que meyorar, más o menos val pa lo que se quería. Llevo el tempo muncho meyor qu'enantes, pero entovía corro delles vegáes. Amás, eso que se llama la dinámica y la espresividá hay que trabayalo muncho. Pero pa les mis limitaciones nun tá mal del todo.

Lo bueno foi que más o menos grabóse con facilidá, y anque toles tomes teníen fallos, nun metí muncho la patona. Nun toco bien, pero toco muncho meyor qu'enantes, y ye de lo que se trata.

Y de que me preste.

Y préstame.

Estudiu de blues en Si bemol, versión 2 [MP3, 1,47 MB]