Dí-ylo nun párrafu

Pémeque lo más difícil d'escribir bien ye escribir poco. Delles vegáes faigo por dexar un testu no mínimo pa que tenga xacíu y al tiempu tea curiosu, pero ye perdifícil. Ya que entamé esti blog pa practicar la escritura, toi pensando'n escribir dalguna columna (pueo llamalo post, pero nun me da la gana) que tenga namás un párrafu. Si una idega ye cenciella y ta clara, un párrafu tien que ser bastante; y si non, que-ys lo entruguen a los autores de haikus, si nun ye verdá que lo simple ye lo guapo. Asina que voi ver si algamo a decime a mí mesmu, de xemes en cuandu, daqué importante (importante pa mí) nun solu párrafu.