Testu n"asturiano ¡Altu! Testu n'asturiano

Güei diome por mirar les estadístiques d'accesu al mi sitiu web, y cuandu taba viendo les caberes visites diome un respingu.

¿Por qué? Por una razón mui cenciella y al tiempu mui tonta. Visitárame la guardia civil.


Yo ya sé de sobra que la guardia civil tien un comportamientu exemplar, y tamién que, que yo sepa, nun toi faciendo nada delictivo, y paezme que nunca nun lo fice. Así que tenía que dame igual que viniera la guardia civil o que nun viniera a ver les mis páxines. Y dame igual. Sicasí, les coses como son: enantes de que me diera tiempu pa camentalo, el primer vistazu que di foi comu un "¿Cómo ye que tan estos perequí? ¿Qué fice?" y un "Sí, guajín, que sepas que tamos xixilándote, nun faigas tonteríes. Por si acasu."

Nunca nun tuve altercáu dalu cola Guardia Civil, nin nada semeyo. Asina que ye curioso que esi nome faiga a ún ponese firme cuandu lu pillen de sorpresa.

Ya que tamos... un saludu mui cariñosu y afectuosu pa la Guardia Civil, y pa tolos cuerpos y fuercies de seguridá del Estáu, ¿eh? Si me tan lleendo, que sepan que apréciolos muncho, a ustedes y al so llabor.

Por si acasu...