Testu n"asturiano El vienres, a tocar otra vez

Pues el sábado pasáu tocamos en Soto. Al llegar, atopámonos con que al lláu de la casa cultura hai un parque infantil. Pero además, hebía una espicha, con música chunda-chunda. La cosa nun pintaba bien.

Pero no; la verdá ye que el sitiu, anque pequeñín, ye afayaízu, con un escenariu coquetu, y sonaba bastante bien.

Perdímonos en dalguna canción, cosa que nun pasaba fai tiempu. Pero por otru lláu la cosa nun salió mal, y a la xente gustó-y abondo, o eso dixeron.

Lo meyor de too, ver otra vez a dellos amigos, conocer dalgunos nuevos, y penriba de too, ver a dalgunos que nun veía fai muncho, como Cris y Pablo.

Pues el vienres 19, toco otra vez, pero dalgo diferente. Esta vez ye namás pa acompañar, mínimamente, a Mavisa y los sos amigos, que van cantar un puñaín de canciones tradicionales asturianes. Pasamos del jazz a la música tradicional... que tovía tamos menos preparáos pa tocar. Pero ye igual, nun tenemos vergüenza nin prestixiu.

Así que si te apetez cambiar de terciu... viernes 19, casa la cultura de Lamuño, a les ocho y media, Mavisa, Nacho, Corito & co. Entrada llibre, y un conciertu seguramente más curtiu; un ratín de cancios tradicionales, malapenes adornáes con pianu y guitarra.

1 comentario:

Niña hechicera dijo...

Joé, Joe tas embalau!!!!:)
Supongo que habrá sido un éxito y por lo menos la experiencia habrá merecido la pena.
No soy yo muy fan de la música tradicional en si misma...pero pa la próxima,si ya toy liberada,cuenta conmigo pa aplaudivos.
;)