Testu n"asturiano La vida te da sorpresas

Ayeri levantéme como cualquier otru día. Y pela tarde taba charrando con Peter Bernstein, in person.

¿Que quién ye Peter Bernstein? Pues ún de los guitarristas vivos de jazz más importantes del mundu. Un fiera. Y non sólo un fiera, sinon dalguien que toca coses... perguapes (otres más dicífiles y modernes, claro).

Resulta que Peter Bernstein toca mañana'n Uviéu. Y entós el mi profesor llámame y dizme que arregló con él una clas individual (sí, el mí profesor cree que tovía-y queda dalgo que deprender), y que si me apetez dir y facer de traductor por si necesita una mano pa entendese col tipu. Y díxe-y que... vale, que pue facese el sacrificiu.

Asina que ellí me tienes a mí. Llegamos, ellí tábamos los tres solos, y Bernstein, como ya barruntaba yo (porque ya lu viera nun vídeo falando d'eso) diz que nada de falar, que a tocar. "¿Qué diz?", entrugó el mi profesor, que nun se creía del too lo que oyera. "Que toques", confirmé yo. Y ensin decir ná más, allá se arranca el mi profe con My funny Valentine, y allá se engancha el otru.

Sólo por tar elli sintiendo aquella interpretación, merecía la pena too. Hasta pagar.

Y asina foi la tarde. Tocaron un montón; tocaben dalgo, y a Bernstein ocurríase-y dalguna cosa que comentar, algún conceyu, y asina foi la clas. Stella by starlight, There will never be another you...

Supongo que'l mi profesor taría fritu polos erros, pero la verdá ye que pa mí tuvo a la altura más que de sobra. Peter díxo-y delles veces "You play great, man! Nice sound! Yeah, man!" y coses asina. A ver si graben un discu a dúo :-)

Ya ves en qué situaciones se ve uno; faciendo de traductor, y viendo tocar (y repartir sabiduría) un par de hores a Peter Bernstein (y al profe) a mediu metru. Ensin comelo ni bebelo. Y al final díxonos que si díbemos venos el xueves, y dixímos-y que vamos, que contara con ello (yo les entráes téngoles va dellos días).

En otra vida debí de facer buenes obres, o algo.

Así que ya pueo fatiar por ahí falando del "mi amigu Peter", ¿non?

2 comentarios:

Holiday dijo...

"En otra vida debí de facer buenes obres, o algo"

En esta no sé cuántes lleves pero al menos con la generosidad con la que compartes conmigo tu música te mereces conocer a Berstein y a otros tantos.

Enhorabuena,man,me alegro un montón por tí :)

Marta dijo...

Yo también creo que te lo mereces. Hala, hala, a presumir de amigos por ahí. :D