Testu n"asturiano Planetas habitables

Otru erru de Público, me paez.

Dicen:

La NASA anuncia cinco planetas ‘gemelos’ de la Tierra

Orbitan en la llamada “zona habitable” en la que la temperatura permite que exista agua líquida


Pero lluéu resulta que non ye asina.

El sistema Kepler-11 nun tien cinco planetas, tien seis. Toos tan más cerca del so sol que Venus del nuestru, y cinco de los seis tan más cerca que Mercurio.



Eso quier decir que nesos planetas fai demasiáu calor, incluso pa los turistas alemanes. Fálase de que la temperatura na superficie pue algamar 460ºC.

Anque a la xente-y paez raro, en realidá sí pue haber agua líquida a 460º, si la presión ye lo bastante alta; faen falta unes 12 atmósferes. En Venus, que ye un planeta semeyu a la Tierra en tamañu, la presión ye de 90 atmósferes. Por poder, supongo que en Venus podría haber agua líquida (anque en realidá nun hai malapenes agua, por otres razones), y igual nesos planetas tamién.

Pero vamos, que nun me paez que tar más cerca del sol que Mercurio puea considerase "zona habitable".

Nun se de ónde lo sacaron, pero pa mí que tracamundiaron y amestaron dos noticies diferentes. Una ye que la NASA, na misión Kepler, atopó dellos planetas sueltos, en "zona habitable", sí:

NASA Finds Earth-size Planet Candidates in the Habitable Zone

Y otra noticia ye que atoparon esi sistema concretu Kepler-11, nel que lo importante nun ye lo habitable de los planetas, sinon la estructura del sistema solar, que ye compautu, con dellos planetas cerca, situáos n'un mesmu planu d'eclíptica como el nuesu sistema solar, y que además esi planu, dende la Tierra, vese de cantu, colo que va poder estudiase con bona precisión cómo se mueven esos planetas:

NASA's Kepler Discovers New Planetary System

Nun sé, tendría prisa el becariu que lo escribió.