Normal

Delles veces, los titulares del periódicu paecen bromes. Pero otres, anque son les menos, ún atopa que lo que pasa ye normal y lóxico.

• Multa de 145.000 euros al asador de Marbella en el que se permite fumar. Menos mal que queda un pocoñín de sentíu común. Igual agora sí tien perdes, el fatu esti. Alégrome de que se faiga lo que hai que facer. Agora dirá que tien que cerrar, que va a la quiebra, y la culpa sedrá de la llei del tabacu, claro. Él nun tien nenguna. So far, so good, compañeru.


• El Supremo anula una condena a Otegi al constatar 'un prejuicio' de la juez Murillo. Cuando vi les imáxenes de aquel xuiciu, y los comentarios chuletas de la xuez, paecióme que aquello nun yera presentable. Que aquello nun yera un xuez nin yera nada. Y pasó lo que tenía que pasar. Alégrome de que la xusticia reconoza que nun se pue ser xuez y parte (non me alegro de que Otegi se cargue de razón por xente como esta).


• El tráfico de Madrid no baja nada en la M-30 pese a la recomendación de Gallardón. Sí, hom. "Oye, usái el tresporte públicu". Claro, si nun lu usan el resto'l tiempu, si lo único que sabéis facer los gobernantes ye favorecer el coche, si a la mínima ponéisvos del lláu de la demagoxa, de lo "práctico", de lo "realista", y lo primero ye quemar rueda... "otros días non, pero güey usái el tresporte públicu". Claro, hom.

Por embargu, hai coses que nun acabo d'entender:

El Consejo de Europa pide a España no rechazar la construcción de mezquitas. En primer llugar, nun me paez que haiga que preocupase de dar especiales facilidáes pa construir mezquites, nin ilesies, nin nada semeyo.

Pero lo que nun entiendo ye esa conclusión de que, si nun se dan permisos pa construir mezquites, dalgo ta mal fecho. Nun sé si el Conceyu d'Europa entra nel fondu de les denegaciones, o simplemente porque-y abulten munches diz que hay que denegar menos.