Testu n"asturiano Dos millones nel Cairo

Seguimos con poques esperances pal periodismu...

Europa Press diz que hai dos millones de manifestantes na plaza Tahrir de El Cairo.



Y digo yo: ¿cuántu sitiu fai falta pa meter dos millones de persones?

Y digo yo: ¿cómo ye de grande la plaza esa?

Y entós voy a Google Maps, y asina, a güeyu, tirando mui, mui polo alto, y contando edificios y tóo (porque nun se mui bien ónde acaba la plaza), sálenme 400 x 600 m. O sea, 240.000 metros cuadráos.

Sabiendo que esi cálculu ye desaxeráu, un millón de persones nun caben nesa plaza ni apretándose.

Viendo la foto, ehí nun tan tan apretaos. Ehí nun hai cuatro persones por metru cuadráu. Y según Europa Press, tenía que haber munches más de... ocho.

2 comentarios:

Gosepín dijo...

Ye verdá. No que ye esa plaza nun hai nin cien mil persones. Pero nesta carrera na que vivimos a polo más descomanao paez que baxar d'un millón ye un fracasu.

Guti dijo...

Peor tovía; la noticia, cuando la vi, ponía "un millón". Y díxeme: "Qué barbaridá, esto tien que ser mentira, tengo que escribir dalgo d'esto". Y cuando fui a mirar, más tarde, pa facer el post... ¡ponía dos millones! Como nuna subasta.