Testu n"asturiano Mundo Animal, nel Rocket

Ayeri fui al Rocket. Ye un bar nel que nun tuviera na vida. Al entrar, pases debaxo un lema: In rock we trust. Les pantalles de llámpara son timbales de batería, les paredes paecen amplis Marshall, hai portáes de discos... Mola.

El Rocket ta na cai Oscura. Nun sabía ni ónde taba esa cai. Bueno, una vez fui a un chigre... llibre de fumu que hai perehí.

Nel Rocket tocaban los que enantes yeren la Pantera Rosa, y agora son Mundo Animal. Y canta el mi amigu Chomy. Son unos fenómenos. Dende U2 hasta Ghostbusters (acabaron tocando "Malagueña Salerosa"). Bueno, cuando tocaron Crosstown traffic ya algamaron el sobresaliente pa mí.

Taba enlleno xente. Y non se fumaba. Pa dar ambiente, un par de vegáes sacaron un cañón de fumu. Tuvo hasta simpático. Pero non se fumaba dientro.

Y nun pasó nada. Ye decir: pasélo bomba. Tuvo xenial.

Y si nun supiera que nun se diba fumar, non habría ido a ver a Chomy y los sos collacios.

Tuvieron que parar, porque polo visto daquién se quexó del ruidu. Últimamente paez que tolos sitios a los que voi terminen les actuaciones ceo porque daquién se quexa del ruidu. Pero entiéndolo.