Testu n"asturiano Toros en Cataluña (III): salven los toros

Yo enantes taba en contra de la oficialidá del asturiano, porque paecíame que hebía munches víes intermedies pa poder convivir toos agusto. Pero la realidá fízome camudar d'opinión. Los mesmos que dicen que nun fai falta coarten el so usu col argumentu de que nun ye oficial.

Y yo enantes taba en contra del separatismu de los catalanes y otros, porque paecíame que hebía milenta maneres de convivir tando toos razonablemente agusto. Pero claro, sólo se convive si se quier.

Cola escusa del estatutu catalán vimos a munchos políticos y ciudadanos decir milenta vegáes que lo bueno, lo grande, lo estupendo, son les autonomíes, y que nun fai falta dir más allá. Que los catalanes tienen cotes d'autogobiernu mayores que munchos estáos federales, y too eso.

Pero esos mesmos políticos y ciudadanos, a la primera oportunidá, namás que porque el parlamentu catalán decide prohibir un espectáculu con razones de bastante pesu, salten como alimañes, traten a los catalanes de too menos de guapos, dicen que esto ye "casposo", "liberticida", "totalitario", "crisis nacional", "drama". Y van usar les instituciones centrales pa prohibir a los catalanes que prohiban les corríes de toros, y dá-y la vuelta a lo que decidió'l so parlamentu, y los toros han de gustayos por cojones, que ye como se faen les coses en la España tradicional: por cojones.

Nun pegues tiros, porque pues ser separatista ensin tiros. Pero si yes separatista, meréceste la trena. Nun pidas independencia, porque equí cabemos toos y hai democracia. Pero si nun te gusten los toros, nun yes español, y ya fadré lo que tenga que facer pa que pases pol aru.

Asina que, tristemente, voy tener que dá-y la razón a Carod Rovira.

Por cierto, que dalguien me desplique si esta portada nun sería motivo pa avergonzase de trabayar nun periódicu, que dexa de ser un periódicu pa convertise en una cloaca enllena mierda.



Bueno, nun ye nada nuevo nesi periódicu.

Yo sé que los favoratibles a les corríes nun son torturaores malvaos; son xente que ve les coses d'otra manera, que pa mí ye equivocáa. Sé que merecen ser escucháos como ciudadanos que son, y faigo por oyilos falar, a ver lo que tienen que decir, a ver en qué parte tendrán razón (en dalguna tendrán), por si a mí se m'escapa dalgo.

Pero dempués d'escuchar atentamente lo que teníen que decir, dempués d'escuchar los sos argumentos, de pensalo, aporto a una conclusión. O tolos representantes que escoyeron pa argumentar son fatos perdíos, o tolos argumentos que tienen son burricáes y mazcayáes. Namás con otra cosa vi una falta de razones tan grande: col tabacu.

Los toros tienen que ser una droga. Nun se desplica otra cosa.

Pero tengo la solución.

Si les corríes de toros son un arte tan imprescindible, si esi arte xustifica la barbarie y la brutalidá de francer un animal en público, si la prohibición ye motivu pa agredir ya insultar al parlamentu catalán y a toos los catalanes, si la cosa ye de verdá tan importante y merez la pena too eso...

Inventen les corríes ensin sangre.

Ye así de simple. Toreen ensin clavar coses. Piensen, investiguen, evolucionen, lleguen al sieglu XXI.

Non, non me digan que eso ye imposible y nun entiendo de toreo. Porque entós yo, con razón, diré que lo fundamental nes corríes ye la sangre, y que va ser que sí son ustedes unos sádicos miserables.

Hai dos caminos: ún d'ellos implica que se yos dea a ustedes la solución fecha diendo contra el xacíu común y les lleis de Cataluña y la voluntá de los catalanes y les instituciones españoles, y otru implica que seyan ustedes los que se busquen la solución pa salvar eso que llamen arte. El esfuerciu han facelu ustedes. Si nun quieren, so far so good.

1 comentario:

Rose Holiday dijo...

En fin,Guti,que tienes más razon/es que un sabio,fiu del alma...conocía la noticia-por casualidad,puesto que la vida nocturna que llevo esta temporada no me da pa leer titulares ni ver a tiempo el telediario...-
y también conocía "el rizu" (el de rizar el rizu,vamos) de que si se prohibían las corridas era por separatismo nacionaliego, va a ser que tenemos que invocar nuevamente a argumentos políticos manidos y ñoños hasta la saciedad pa justificar el paso adelante que han dado, como en otras muchas cosas,los catalanes..y es que ¡ole sus huevos! ya era hora de dejar atrás la época de los gladiadores,aunque el paso sea pequeño,ye importante.
En fin,y como dices,pataleta de la España cañí-léase la España profunda- y titulares con sorna no exentos de muy mala leche,porque hay que ser cabrón,vamos...pa que luego hablen de libertades, de democracias y de respeto.....

Un abrazo torero
(con verónica,I mean ;)