Testu n"asturiano Disculpes d'Enrique Serrano

Fai unos días, un tal Enrique Serrano, que yo nun conocía hasta agora, salió nos medios porque, dende un programa d'Intereconomía llamó zorra repugnante, guarra, puerca y otres coses a la Consellera de Sanidá de Cataluña.

Y agora pidió perdón. Tuvo dellos minutos pidiendo perdón.

Nun voi entrar na opinión que me merez Serrano, nin la impresión que me fizo. Tampoco voi xulgar el programa, nin esa cadena, nin al presentaor. Nun voi xulgar les motivaciones que puean tener pa pedir perdón, nin dalguna de les mentiruques que hai nel so discursu.

El casu ye que pidió perdón, que ta bien fecho, que lo fizo ensin buscar echar la culpa a otros nin dar eses vueltes vomitives que dan otros pa pedir perdón ensin pedilo (por exemplu: la patética intervención de Manolo Lama pol episodiu del mendigu, que prefiero nin comentar equí), y dende equí mándo-y el mi aplausu y la mi almiración por facelo. Seyan cuales seyan los motivos, y aparte de la opinión que tenga (que sigo teniendo) d'él. Nes formes del otru día, un 0; pero n'estes formes, un 10.

La llista de xente que tuvo la decencia de pedir perdón queda asina: Zapatero 3, Iñaki Gabilondo 2, Rajoy 1, Ana Mato 1, Fernando Sánchez-Dragó 1, Juande Ramos 1, Juan Fernando López Aguilar 1, Juan José Ibarretxe 1, Ángel Expósito 1, Enrique Serrano 1.