Testu n"asturiano Tá bien y nun tá bien (II)

Sigo buscando estremar el bien del mal. Son relativos, eso sábese. Esto que pongo nun ye ironía, son entrugues abiertes.

-- ¿Menores abortando ensin conocimientu de los pás? De mano, nun me gusta un ren. Pero como siempres, lo difícil ye informase y poner en ordre les idegues, porque lo que se diz ye con interés políticu y de axitación.

Vamos centranos en la menor (del fetu falamos otru día). ¿Qué pasa con otres operaciones? Pues la llei d'autonomía del paciente diz:

1. Toda persona tiene derecho a que se respete el carácter confidencial de los datos referentes a su salud, y a que nadie pueda acceder a ellos sin previa autorización amparada por la ley. [...]

3. Se otorgará el consentimiento por representación en los siguientes supuestos: [...] c) Cuando el paciente menor de edad no sea capaz intelectual ni emocionalmente de comprender el alcance de la intervención. En este caso, el consentimiento lo dará el representante legal del menor después de haber escuchado su opinión si tiene doce años cumplidos. Cuando se trate de menores no incapaces ni incapacitados, pero emancipados o con dieciséis años cumplidos, no cabe prestar el consentimiento por representación. Sin embargo, en caso de actuación de grave riesgo, según el criterio del facultativo, los padres serán informados y su opinión será tenida en cuenta para la toma de la decisión correspondiente.

4. La interrupción voluntaria del embarazo, la práctica de ensayos clínicos y la práctica de técnicas de reproducción humana asistida se rigen por lo establecido con carácter general sobre la mayoría de edad y por las disposiciones especiales de aplicación.


Sigo ensin saber qué ta bien y mal, que caún saque conclusiones. Pero otra cosa que hai que tener en cuenta: de lo que se fala equí nun de que tea bien que una moza de 16 años aborte ensin que lo sepan los pás. Ye de si tien que tar perseguío por la llei o non, si tien que ser delitu. A mí polo xeneral paezme mui, mui mal que una gua.ha de 14 años se acueste con el mozu de 15, y peor tovía que quede preñá ensin que lo sepan los pás y que tengan un gua.he. Ye un erru tremendu, pa la má y pal fíu. Pero nun ye delitu, y el mozu nun va a la cárcel. ¿Quier decir eso que el llexisllaor ta a favor de que les gua.huques de 14 sean unes pendones? ¿De qué tamos discutiendo equí esactamente?

Eso sí, nin la manera de falar de la ministra d'igualdá nin la de Zapatero me paecen adecuáes, y más bien mui torpes. Bibiana Aído comete el erru de entrar con toa llixereza a un trapu que-y vien grande, me paez. Son coses pa escuchar a Punset, non a Aído.

-- ¿Desisten responsabilidáes polítiques además de les penales, y una cosa ye lo que se fai nos tribunales y otra cosa ye la responsabilidá política? Cuandu les eleiciones de 1996, y Filesa, y el GAL, enseñáronnos que ye asina, que nun fai falta esperar a que conderguen a ún nun xulgáu pa que asuma responsabilidáes polítiques. Por eso Felipe González tenía que dimitir anque nun atoparen prebes contra él.

Entós, ¿por qué nun hai responsabilidá política dala polo del Yakovlev, y Trillo sigue nel so escañu, magar que mesmo el Parlamentu ya lu condergó políticamente por ello? ¿Por qué sigue Fabra na política, o los tres diputáos suspendíos de militancia siguen votando na Asamblea de Madrid?

De lo de Camps tengo mis duldes, nun sé si tien que dimitir o non. Pero si tolo que pasó yera culpa de Garzón, y de Bermejo, y cenaben xuntos pa conspirar, ¿cómo ye que agora, con otru xuez que polo visto convién-yos más a los acusaos, Camps pasa a tar imputáu? ¿Hai ya responsabilidáes polítiques o tovía non?

-- ¿Siempre tienen razón les víctimes? Aquella tontada repitiéronnosla milenta vegáes Mayor Oreja, Basagoiti, el alcalde de Vitoria, Rajoy y munchos otros. Agora, cuandu la AVT denuncia a Carlos Dávila, ya nun son "les víctimes", son "la AVT", o "Casquero", o asina. ¿Tienen siempres razón los de la AVT o non?

-- ¿Anticonceptivu de emerxencia ensin receta y de accesu llibre? Tovía nun atopé un debate seriu sobre el asuntu. Lo primero que pa mí hai que dexar fuera son, claro, les consideraciones relixoses, que aplicará caún pero nun tienen que tar na llei. Otra cosa que hai que tener en cuenta ye que, contra les munches sandeces que se dicen, esa píldora nun ye estrictamente "abortiva"; ye un anticonceptivu que impide la implantación del cigotu (si eso ye abortu, entós el DIU tamién ye abortivu nun porcentaxe de casos). "De emerxencia" porque ye menos efeutivu que los otros; ye un apañu pa ciertes situaciones.

Esi anticonceptivu puen tomalu les moces de 16 años nel Reinu Xuníu, ensin receta, dende 2001, y en Francia dende 2002.

Lo que nun me gusta de la medida (y creo que el Gobiernu xestionó mal, mui mal) ye que con tolo que queda por facer en prevención y concienciación pue dar un mensaxe negativu a tolos descelebráos que hai perende. Pero la dulda ye... esos, ¿diben usar otru métodu?

No hay comentarios: