En Granada (I)

Güey pela mañana taba trabayando'n Uviéu, y a les ocho la tarde taba'n Granada pa dir a JENUI 2008. La teunoloxía ye ablucante.

Aporté xusto pa ver cómo quema'l aire, dir corriendo pal hotel, dexar les bolses y correr más pa la recepción, ensin parar ni pa mirar pola ventana. Y el mi hotel ta nuna calle que se llama "cuesta de nunsequé", y el sitiu del pincheo lo mesmo. Cuesta arriba, claro.

Llegué, fartéme de pinchucos, vi cares conocíes, otres nueves, saludé a xente... y pa casina y pa la cama. Los otros van a dar un vueltu, pero yo nun toi pa ná.

A ver mañana cómo risca'l día.