En Granada (II)

Ya tuve nes primeres conferencies. La primera, de Mordechai Ben-Ari. El Ben-Ari ye un llibru blancu sobre concurrencia que toos estudiamos dalguna vez en Algoritmos. O sea, que el tío ye famosu.

Y ¿de qué faló? De esto:

Objects, never?
Hardly ever!

O sea, de por qué nun hai que usar oxetos nin enseñalos cásique nunca.

Ablucante. Un debate que ya yera vieyu en 2000.

Lo que fizo foi, primero, poner en dulda que la POO seya la teunoloxía dominante, diciendo que nun hai estudiu dalu que lo demuestre. Y lluéu poner exemplos de por qué la POO nun ye meyor, sinon peor, que otres. Exemplos concretos.

Ún por ún, toi en desacuerdu con toos. Non colos exemplos, sinon cola conclusión que saca d'ellos. Falando en plata: la mi opinión ye que Ben-Ari o quier provocar o nun tien ni zorra idega de lo que fala. Paez una fatiada que lo diga yo, que nun soi naide al lláu de Ben-Ari, pero lo que oyí güey foron una farrapa de tontáes, una tres d'otra.

La xente que faló dempués (foi a la sesión sobre "enseñar inxeniería del software"), más o menos, bien. Prestóme ún del País Vascu que presentó PFCs que faen en proyeutos de software llibre (GNOME y coses asina). Fala de... 1000 hores por proyeutu (¡!).

Equí seguimos.