Police

Ayeri tuve viendo pola tele el conciertu de Rock in Rio de... Alejandro Sanz. Nun me gusta gran cosa Sanz (reconózo-y que fizo dellos cancios mui buenos), pero sobre todo paezme que ye ún de los cantantes con peor voz que conozo. Ayeri, pa enrriba, nun cantó nada bien. Pero como ye tan difícil ver en televisión un programa normal onde pueas ver músicos tocando, sin más, tuve engancháu.

Pero luego vinieron Police. Ay, amigo.

Nun soi mitómanu, y Police gustábenme abondo, na más. Pero ayeri pescancié que merecen tar onde tan. Guitarra, baxu y batería y... qué soníu. Sonaben milenta veces meyor que Sanz, con tola so corte de instrumentistas de primera.

El guitarrista emplega bien de efeutos y pedaleres, pero sabe facelo; poniendo un ecu ya el soníu de la guitarra tien cuerpu pa que nun haiga falta un tecláu ni nada.

El baxu, Sting, tamién sabe tocar esi instrumentu pa que se sienta, ensin estorbar, pero faciendo mediu canciu él solu. Y el baterista esi... Toca muncho, muncho. Pero nun lo digo namás que porque toque "bien", ye que toca muncho, rellena perfechamente, crea una atmósfera... Nun paez un instrumentu de percusión, nun se limita a marcar ritmos. Esi sí que pierde quilos en ca conciertu.

Pa facer música bástense y sóbrense tres músicos. Y Police son tres músicos con mayúscules. Impresionante.