Si quieres que traduzca un artículo (o parte) a un idioma, ponlo en los comentarios.
If you want me to translate some post (or part) to some language, state so in the comments.
Si tu veux que je traduise quelque article (ou part) en quelque langue, dites-le aux commentaires.
Publicidá d'Euskadi (II)
Alrodiu de dalgún comentariu al artículu Publicidá d'Euskadi que punxe ayeri, pémeque igual nun me despliqué bien. Asina que voy facer por desplicame agora.
Nun quixe decir que los vascos tengan que avergoñase de la llingua vasca, ni de nada d'eso. Non, non y non. Y tampocu quixe decir que yo vea, o que haiga que ver, al país vascu como un pueblu del Oeste onde tol día anden a tiros. Yo ya fice los mis deberes va tiempu. Lleo a Javier Ortiz dende va unos cuantos años, y ya discutí en foros tolo que tenía que discutir pa faceme una idega (y camudé les mis idegues dabondu) y ya fice por lleer polo menos media docena llibros sobre el tema pa ver si me enteraba de dalgo. Hasta el llibru de Barrionuevo, lleí.
Lo que pasa ye que la imaxen que yo tenga d'Euskadi nun tien importancia dala. Yo ya sé que "ven y cuéntalo" nun quier decir que vaigan a tiroteame. Lo que toi ye falando d'una campaña de publicidá y de los "ecos" que pue tener nel maxín de quien la ve. Por detalles muncho más sutiles refúguense idegues publicitaries o campañes (o retírense), y al mesmu tiempu, nos anuncios pónense detalles ¡hasta subliminales! pa llevate onde quieren. ¿Hai que filar fino, o non?
Por otru lláu, díxelo too camentando que la idega d'una campaña nun ye facer xusticia nin reivindicar nada; ye vender. Ni más, ni menos. Nesti casu, ye traer xente. Y supongo que se trata de traer (nun digo que sólo, pero polo menos tamién) compraores nuevos, xente que nun pensara enantes en dir de vacaciones a Euskadi. Trataráse de traer "el votu de los indecisos". Y precisamente supongo que el que fizo l'anunciu quier que la xente dexe de ver nel país vascu una cuna de pistoleros, y sepa ver la realidá del paisaxe, o los chigres, o la xente, o la teunoloxía, o l'arte, o'l folclor. Digo yo que querríen quitar d'enmediu el tópicu de la engarradiella nacionalista, dexalo pa otru día, y facete pensar notres coses. Ye nesi sen que yo digo que me paecen anuncios discutibles o poco afortunáos.
Non porque me muevan a erru a mí.
2 comentarios:
Pues sigo pensando que l'anunciu nun tien nada de malo. Amuesa peculiaridaes... tampoco ye que seya publicista pero paezme que, o t'amueses como dalgo distinto, con interés, o pierdes oportunidaes. Por exemplu, pa muncha xente hai muncha confusión ente Asturies y Cantabria, dambes vienden lo mesmu nes sos campañes, montañes verdes, ñublina, osos y esbardos... Nada que los distinga, que faiga un territoriu más interesante que l'otru.
En cuenta d'eso, tanto en Galicia como nel País Vascu opten por distinguise, por ufrise al restu d'España como una esperiencia única na que, amás de naturaleza, vas atopate con tradiciones, llugares, una llingua úniques nel mundu (nun t'acuerdes d'esi anunciu gallegu qu'emplegaba 'palabras unicas para sensaciones unicas' o dalgo asina, con una retafila de vocablos gallegos qu'acentuaben la maxa de les imáxenes del paisaxe gallegu). En cuantes a lo de referise a Euskadi como país... insisto, nun-y veo problema cuando ye'l nome de la propia comunidá y amás acentúa esa 'esclusividá' del viaxe que nun tienen les 'provincies' de Santander y Uvieu. Quien dexe de dir por eso... ye que munchu interés nun tien.
¿ Sabes, Guti ? Decía un tal De Gaulle que los franceses son un pueblu que tien la manía, en los referéndums, de contestar a una cosa distinta a la que yos pregunten :-)
Yo debo de ser un poco francés, porque voy facer un comentariu que sólo muy indirectamente ta relacionau con tus posts...
Sólo quería contar que yo soy un tipo muy pusilánime e influenciable, entós la publicidá convénceme abondu :-) Así que la de "Ven y cuéntalo" llegome al alma...
Yo pasé un tiempu en Durango por asuntos familiares, unes breves vacaciones en Fuenterrabía/Ondarribia ya fui a unes xornaes a San Sebastián-Donosti. La verdá ye que vien unu de allí con ganes de contalo. Guipúzcoa la encuentro preciosa ( mejorando lo presente en lo que toca a Asturies, naturalmente, que nun ye precisamente fea). Por cierto, a Durango fui hace muuuuuchos años, en algunos de los años más duros e intensos de los asesinatos de esos fascistas llamados ETA, y me encontré con una población encantadora. Yo creo que actuaban por reacción: veíente la matrícula de Uvieu ya pensaben: esta xente ye foriata, igual los probes tienen una imaxen negativa nuestra, ya piensen que equí somos tos unos tipos que van por ahí disparando a to cristo... y como reacción, ya te digo, se volcaban en una amabilidad como no vi en mi vida. Al preguntar una dirección, les era poco darte indicaciones, querían empeñase en acompañarte hasta allí, etc. etc...
Ya te digo, to tien una explicación, seguramente los vascos no son ni meyores ni peores que los asturianos, extremeños o zulúes, esa ye la mi experiencia en Durango en los años de plomo...
El restu de les estancies, pa repetiles en cuanto tea la menor oportunidad.....
En fin, yo fui y contelo... Como decían en "La bola de cristal", quizás debería ver menos televisión :-)
Publicar un comentario