Testu n"asturiano Publicidá d'Euskadi

De cutio, los lemas de los anuncios tienen doble xacíu. Por eso me pareció ablucante el de la campaña que ficieron va tiempu pal turismu nel País Vascu: "Ven y cuéntalo". Un sitiu que ye famosu porque hai xente a la que-y peguen tiros na cabeza, o yos tiren la casa con una bomba, o vuelen el coche con ellos dientro, y dicen "vén y cuéntalo". Ye como decir "si tienes güevos ven y sobrevive pa cuntalo dempués". Paecióme una campaña mui rara, polo menos discutible.

Y agora veo que el lema ye "Euskadi, un país increíble". Siendo un anunciu destináu, nesti casu, a xente d'España, onde tan fartos abondo de la engarradiella nacionalista y nun despierta munches simpatíes, de les cuatro pallabres escoyíes pal lema, una ye pa recordanos que ye un "país", y llámenlu "Euskadi" y non "País Vascu" (que anque lleve "país" ye d'usu común y pasa desapercibío), y canten n'euskera, que fora d'allí tampocu tien mui buena imaxen (como'l asturianu, más o menos).




Nun pongo en dulda que les campañes serán buenísimes y darán un resultáu bárbaru, pero lo que ye a mí, que soi un ignorante en publicidá, paeciéronme les dos dignes de echar al que les fizo. Nun sé. (Anque nun se pue negar que nun son campañes hipócrites, non.)

4 comentarios:

Anónimo dijo...

d'áu te sacaron a tí

Jesusito dijo...

Home, lo que pasa ye que'l 'target' al que s'empobinen les campañes ye'l de xente al que nun-y dea perceguera qu'Euskadi se considere país nin que se sienta l'euskera pela cai y nes canciones. De xuru que pa xente que-y prestara dir al pais vascu pa autoafirmase como español de fala castellana ya imperial nun val la campaña. Ye pa quien quiera conocer una tierra atopadiza, coles sos peculiaridaes, y que ruempe tópicos... como'l de que ye un país de xabaces que tan tol dia matandose a tiros. Sacantes lo del eslogan del 'ven y cuentalo', que inocentemente alimenta l'estereotipu, ¿Cómo se van anunciar? ¿Con un toru d'osborne y bailarines de flamencu?

Vity dijo...

Mamina, dexesme ensin pallabres...

Guti dijo...

Anónimo: nun voi dicite d'ónde me sacaron, que ye un poco truculento de contar.

Jesusito: nun m'interpretes mal. Paezme que igual nun me despliqué mui bien, y voy poner otra entrada pa aclaralo. Pero de momentu dígote que a mí nun me paecía que'l oxetivu de les campañes fora la xente a la que ya-yos gusta el país vascu y lu ven con simpatía. Paecióme que'l oxetivu yera traer a xente nueva. Curiáu, que nun hai namás dos opciones, o tene-y simpatía al país vascu o ser... "imperialista" (¿?). Hay munchos graos nel mediu. Y la publicidá nun ta pensada pa facer xusticia, ta pensada pa vender, pa resultate agradable y decite lo que quies oyir. "Euskadi, increíble" fadría más o menos lo mesmo que "Euskadi, un país increíble" cola diferencia de que igual atrayía a unos cientos de miles más´(ensin falta de sacar toros d'Osborne ni flamencu).

Vity: nun yera la mio intención. Agora nun sé qué decite yo... nun sé qué pienses.