Facer un dípticu (cuadernín con grapes) en Word 2000 (o otros)

Anque nun ye mui habitual, delles veces apetéz-y a ún facer en Word un cuadernín de esos que se faen poniendo dos páxines per fueya, doblando pol mediu y grapando. Les versiones nueves de Word tienen pa facelo, pero Word 2000, y otros procesaores, non.

Lleí perehí soluciones que me abulten mui complicáes (hai que meter les fueyes otra vez na impresora, cambiar márxenes, y coses así). Asina que ocurrióseme una, mui casera, pero que funciona, y que pue valer pa otros procesaores que nun tengan esa función, pero que permitan imprimir les páxines que ún quier. Por exemplu, la páxina 6, la 8 y la 15. Si pues facer eso, pues usar esti métodu.

La cosa ye:

- Facer que el documento tenga un númberu de páxines múltiplu d'ocho. (Si fai falta, metiéndo-y al final páxines blanques.)
- Poner les opciones d'imprimir pa que salgan dos páxines por fueya, y que imprima peles dos cares.
- Na lista de páxines pa imprimir, poner la secuencia que correspuenda.

Y esta secuencia calcúlase con un programín. Yo fice una fueya d'Excel, na que nuna casilla pones el númberu de páxines del documentu, y n'otra llames a esta función con esi númberu:

Public Function SecuenciaImpresion(numPaxines As Integer) As String
Dim parriba, pabaxo As Integer
Dim resultau As String

resultau = ""
parriba = 1
pabaxo = numPaxines

While parriba < pabaxo
    resultau = resultau & _
        pabaxo & "," & _
        parriba & ","
    pabaxo = pabaxo - 1
    parriba = parriba + 1
    resultau = resultau & _
        parriba & "," & _
        pabaxo & ","
    pabaxo = pabaxo - 1
    parriba = parriba + 1
Wend

' Quitar la cabera coma
resultau = Left$(resultau, Len(resultau) - 1)
SecuenciaImpresion = resultau
End Function

Esa función devuélvete la secuencia correuta. Por exemplu, pa imprimir un cuadernín de 16 páxines, tienes que pedí-y a Word que te imprima les páxines:

16,1,2,15,14,3,4,13,12,5,6,11,10,7,8,9

Asina, a dos páxines per cara y a dos cares per fueya, tal cual salen de la impresora, dóblesles y (si quies) grápesles. Esa cadena 16,1,2... ye lo que te devuelve la función d'enrriba. Ye un pocoñín chapuzuca, pero de toes maneres un cuadernín d'esos nunca va tener munches páxines (porque si non... a ver quién les dobla). Poro, paezme una solución aceutable.

Si nun te gusta Excel, o nun te gusta'l Visual Basic, ye perfácil treslladar esi algoritmu a otru lenguaxe.

Pa que atope esto la xente que-y puea interesar, voi poner aquí les pallabres n'español y n'inglés:

Imprimir un díptico (cuadernillo de hojas grapadas) en Microsoft Word 2000

Printing a booklet in Microsoft Word 2000

Espero que a dalgún internauta-y sirva pa dalgo.