Testu n"asturiano Morrió Oscar Peterson

Enteréme nel blog de Marco de que morrió Oscar Peterson. El mi pianista favoritu de tola vida. Si güey escucho jazz, ye por culpa d'él, d'Ella Fitzgerald y de Louis Armstrong.

Les sos frases paécenme tremendes, la manera que tien de meter notes esactamente nel sitiu, la manera que tien de usar la velocidá ensin abusar y ensin aburrir... y ensin perder, nunca, nunca, enxamás, esi ritmu marcau, esi swing perfechu. La manera de tocar ye semeya a la de Art Tatum, pero a mí Tatum (anque seya un xeniu) repúname un poco (demasiáes notes), y siempres me gustó abondo más Peterson.

Dáme muncha pena, como cuandu morrió Stéphane Grappelli. Son xente que uno nun conoz, pero acaba paeciendo que sí. De Peterson aparte de la so manera de tocar el pianu tengo la imaxen de un músicu que ye seriu, rigurosu, trabayaor, anque tamién paez una persona afable. En dalguna entrevista dixo que él improvisaba y que eso taba perbién, pero que hebía coses que nun se improvisaben, y que llegar a un escenariu a tocar ensin tener preparáes eses coses yera engañar al públicu. Curiáu con Peterson, que tontaes, les xustes.

A mí dexóme totalmente ablucáu el discu Oscar Peterson and Harry Edison (una trompeta y un pianu, nun fai falta más pa facer música) y Benny Carter meets Oscar Peterson (son los que recomiendo), pero por poner daqué pongo equí un par de vídeos. El primeru, uno mui vieyu, nel que sal cantando Nat King Cole el canciu Sweet Lorraine. (Nat King Cole, enantes de dedicase a la música "comercial" como cantante, fízose un nome y un respetu como un pianista más que decente). El saxofonista de detrás nun toi seguru, pero paezse a Benny Carter, anque nun sé, porque Carter tocó más bien el saxu altu... Ye igual. El del piano ye Oscarín, que ye de lo que se trata.






Y esti otru ye un exemplu más modernu de lo que tocaba Oscarín, anque tamién ye de fai tiempu:





Como decía el chiste: ¡Ay, mundo, mundo, cómo te los vas llevando uno por uno de los meyores!

3 comentarios:

Manuel Cernuda dijo...

Si primero te lo bajo, primero palma... ¿no querrás algo de música de Bush o Chaves no? :P

Rumbonín dijo...

Hola Guti.
Nun sabía nada de lo de Peterson y no te imaginas como lo siento, Don Oscar era uno de esos Musicos que cuando tocan parece que te tan contando algo que tu solo entiendes.
Un abrazo:)
Yo me quedo con "We get requests"
salensez,@gmail.com

rumbonín dijo...

Carter también tocaba el tenor y "algo" la trompeta;)