Testu n"asturiano There Will Never Be Another You, toma 2

Va dellos díes dixe que grabara un exerciciu sobre There Will Never Be Another You, y que diba facer por grabalo otra vegada más curioso y colos dos solos de Raney. Les mis semicorchees siguen dando pena (un puquitín menos que el otru día) y hay dellos erros, pero bueno, commo exerciciu ye de sobra.

Como siempre, lo guapo ye escuchar a Raney y los sos collacios. Pero equí va l'exerciciu. Nun va ser raro que faiga daqué más con esti canciu, porque paez que en clase vamos estudialu un pocoñín más.

Grabáo'n Uviéu, el 2 de setiembre de 2007, con guitarra Fender Stratocaster, amplificaor Roland MicroCube y Audacity como software de grabación. Acompañamientu y solo grabáos por separao. Dalgo de edición y de corta-pega tamién hai.

Por cierto, el servior onde pongo les grabaciones y otros ficheros tuvo desconeutáu dellos díes. Nun ye raro que pase, porque si al llimpiar toquen un cable de rede, suéltase. Pero procuro arreglalo bien ceo.

There Will Never Be Another You [MP3, 2MB]