El chistosu de la clas

En toles clases hai un payasu (nel mal sen de la pallabra, que tener, tiénlu) que diz gracies pa que los demás-y les rían.

Ye, por exemplu, el típicu tontorolu que cuandu en clase d'arte, o d'hestoria, el maestru pon una semeya de la Venus de Willendorf, él diz bien alto, pa que lu sientan: "¡Jo, jo! ¡Vaya tetes!" O cuando-y amuesen a la clás una semeya de un broche del sieglu X, él diz: "¡Meca, mira, el ratón Mickey!"

Eso ye lo que vien de facer El País. Y tamién paez que el Discovery Channel. La noticia nun ye que apaezan restos vikingos, non. La noticia ye que el broche se-yos paez a Mickey Mouse.

Ye verdá que el broche se paez a Mickey, como ye verdá que la venus de Willendorf tien tetes. Pero qué voi facer, veo la noticia na portada de El País y paezme que bien poco tenemos que facer. Que si nun podrá ser noticia el trabayu de unos arqueólogos que atopen coses del sieglu X, y lo que signifiquen eses coses y qué tienen que ver colo que somos (que ye muncho), y si acasu contar como una curiosidá más el paecíu del lleón col ratón. Pues non. De xuru que esa información nun diba salir nel periódicu si nun-y vieren paecíu al broche esi. Ye el titular. Nun hai más que falar. Nun despliquen cómo ye que tien orixe francés y ta nel sur de Suecia, si ye que hebía tal nivel de comerciu, cómo podíen falar de lleones ensin habelos visto enxamás, cómo ye el yacimientu esi y cómo trabayen los arqueólogos... Pa eso nun hai sitiu.

La prensa de güey tá enfotada en facé-y casu al chistosu (o al tontu) de la clas. Asina se supón que venden más periódicos, que el periódicu lléese meyor... o que gracies a eso tenemos aseguráo que siempres hay aprendices de chistosu de la clase que, por imitación, sigan cola tradición.

[Edito: L'artículo de Discovery Channel, anque cai nel mismu erru col titular, polo menos sí tien información más decente nel testu.]