Testu n"asturiano Ensin roscos

Hebo un profesor que nel bachilleratu te ponía "un ceru, pero un ceru cuadráu, de los que nun marchen rodando". Dientro poco nun se van poder poner ceros, nin cuadraos nin redondos.

Una orden del Ministeru d'Educación y Cencia diz cómo va facese la evaluación, y pa les enseñances medies diz que la calificación ye un númberu del unu al diez. Nun hai ceros.

Nun ye que seya perimportante, pero entrúgome por qué, por qué, por qué nun se-y va poder poner un ceru a un escolín. El ceru ye un inventu pervieyu y perimportante. Les matemátiques nun sedríen lo mismo ensin el ceru, y pue dicise que ye ún de los hitos del conocimientu humanu. Ye la manera de dicir matemáticamente (cosa que fai falta pa estremalo del daqué, a nun ser colos políticos, que ya se sabe que nun dicen ná y eso sí que ye matemático).

Anque un estudiante nun faiga ná, pero lo que se diz ná, van poné-y un unu. Eso quier dicir que fizo el 10% de lo másimo que podía facer. Namás con tar nes llistes.

Diendo a lo metafísico, nun se pué negar que el fechu de esistir ya yé muncho, y que sí, que'l escolín fai el 10% (y muncho más) de lo que se pue facer, namái con tar perehí faciendo'l canelo. Pero vamos dexanos de metafísiques. Si nun garres un llibru, si nun escribes ná nel desamen, , lo que ficiste ye... cero.

Hai coses de les leyes d'educación de esti país que nun voy pescanciar na vida. Concretamente, dalgunes de les que yos gusten a los gobiernos del PSOE paécemne una mazcayada.

Tán llocos, estos romanos.

2 comentarios:

Rochgs dijo...

Si que es "perimportante" (mola eso del "per-" como aumentativo, es perguay). No tanto el hecho en si como su raíz. Se trata de otro síntoma de la política de ocultar en lugar de solucionar.

Y ni se te ocurra decir nada en contra, o seras un reaccionario; o generas crispación; o te faltara estilo universitario. A saber.

Tania-chan dijo...

Madre mía, no le veo ningún sentido O_O