Cómo lleer un docx

L'otru día unvióme un compañeru un documentu fechu con un Office permodernu (quiciabes 2007), en formatu .docx. Yo nun pueo abrilu, porque toi usando... Office 2000.

Güey tuve alloriáu faciendo por ver el documentu, que necesitaba lleer. Instalé el Word Viewer, y ye un decir, porque al final dizme que hay un error (1048, me paez) porque nun pue escribir nuna clave del rexistru. Y vuelve la instalación p'atrás. Val.

Menos mal que atopé otra cosa que se llama Office Compatibility Pack, que lo que fai ye convertir los documentos (de la que los abres) al formatu d'Office 2000. Funcionó, y pude lleelu.

Qué difícil ye dar cola solución meyor pa un problema tan tontu. ¿Quién diba saber que hai delles maneres de arreglalu? ¿Quién pue saber cuála ye la buena? ¿Por qué nun funciona el Word Viewer? Coses de la informática.