Berlinale

Escribo esti articulu dende Berlin (por eso nun emplego acentos). Nesti viaxe deprendi milenta coses.

Que Iberia nun siempres llega tarde. Delles veces va como un relo.

Que nunca na vida pase mas frio que ayeri.

Que los alemanes usen un teclau mas diferente de lo que yo creyia. La llinea d´arriba ye QWERTZUIOP, ya la d´abaxo YXCVBNM.

Que nel pais de Mercedes y Opel la xente conduz mui seliquino, y hai muuuuncho menos traficu que cualquier dia´n Uvieu, y que hai montones de cruces a manzorga que si los hubiera n´Asturies habria tiros ya punalaes tolos dies.

Que cobraran montones de perres, pero ye un pais muncho mas baratu que otros. Pues beber un llitru lleche desnatao por 49 centimos nel super de la estacion. Puen pescar una fartura dos persones pa cenar por 11€. Pues entrar a la cupula del Reichstag gratis (eso si, esperando una cola del carajo). Y bueno, otres coses cobrenles, ta claro, pero notros sitios cobren muuuuuncho mas...

Aleman, lo que se diz aleman, nun deprendi, pero ya que tengo esti teclau voi escribir dalgun nome de cai, que me fai ilusion probar la beta esta a ver si se ve bien: Friedrichstraße que ye la nuesa, Köchstraße que ye la nuesa estacion de metro.

Y ya val, que tovia nun se como son de caros los cibercafes. Voi sabelo agora.