Testu n"asturiano Web02

Ye un pocoñín chuscu l'artículu de La Nueva España sobre la presentación de la plataforma Morfeo.

Ya tamos avezáos a que los periodistas faigan por facer titulares rariquinos y con doble xacíu. Pero daquién había deci-yos que nun tan obligáos a facelo siempres.

Un artículo entituláu El sueño de Morfeo llega a la red lo lóxico ye que pensemos que trata de una páxina web nueva del grupu esi onde canta (o miaga, según el gustu de ca ún) la mociquina que dicen que se casó con Fernando Alonso. Ya, ya sé que nun ponen sueño con mayúscules, asina que nun se pué dicir que tea mal. Pero...

¿PA QUÉ?

¿Pa qué pue querer ún que vaya xente que-y interesa la música pop a lleer un artículu sobre una plataforma pa Internet por erru?

Eso aparte de que a la Web 2.0 (que ye duldoso que desista cosa tala, pero eso vamos dexalo pa prau) llámenla Web02. Fai-me gracia'l nome.

No hay comentarios: