Testu n"asturiano Leroy-Merlin

Internet ta enlleno de fatos. Pa empezar, la camá de mazcayos que unvíen tol día mensaxes faciendo por vender cualquier moto que nun-yos voi comprar, pero que me toquen los pies enllenándome'l correu de mierda. Tamién hai dellos que rexistren dominios pa enganchate si te enquivoques al teclear; por exemplu, si quies ver les tires de Dilbert y escribes www.dlibert.com (camudando la i ya la l), o si escribes http://www.wiklipedia.org salte una deses páxines-buscaor tan tontes. Pero lo que ya me paeció gordo ye lo de Leroy Merlin. Si escribes http://www.leroymerlin.es, vas a la páxina de esa perconocía empresa de preséos y materiales. Pero si escribes http://www.leroy-merlin.es vas a otra páxina que, ensin ser la de la empresa dicha, fala de lo mesmo. Si nun tas avezáu a ver el logotipu, pues pasar un buen ratu nesa páxina fata ensin atolenar que nun tas nel sitiu correchu. Esto hebía ser delitu.