Testu n"asturiano Xente anónima (III)

Seguimos reconociendo el méritu a esa xente que nun ye famosa, o que ye famosa en dellos círculos pero desconocía pal mundu. Tengo tantos apuntáos que nun sé nin por ónde entamar.

Ariel Pocock

Esta guaja tien 18 años. Equí ta tocando ún de los mis cancios favoritos, There is no greater love. Si te impresiona que toque asina a los 18, nun te preocupes; tamién hai dalgún vídeu d'ella a los 14.



Diane Schuur

Esta dista muncho de ser desconocía; ye una estrella dende fai munchos años, grabó con B. B. King. Pero, pa los efectos, pueo ponela ente xente aficionáa, porque ye lo mesmo: nun la conoz ni el tatu, polo menos en España. Pasa un buen ratu con Diane Schuur, equí cola Count Basie Orchestra en 1987 (nun quiero poner más d'un vídeo de caún, pero equí pues vela cola Paul Stefanelli Big Band dica 1991):



Adrienne Hindmarsh (The Vipers)

Adrienne Hindmarsh, con Josh Hindmarsh y Roger Sellers, son The Vipers. Y faen una versión d'otru canciu que me presta un montón, You'd be so nice to come home to. Nótese que nun hai baxista, y que Adrienne toca un Hammond B3. La consecuencia llóxica ye que Adrienne toca el baxu colos pies, cosa que nesti vídeu vese un momentín. Tolo que pueo decir ye que cantar, acompañar, improvisar, tocar coles dos manes... y el baxu colos pies... fácil, fácil, lo que se diz fácil, nun ye. Mal soníu, pero ye un vídeu que me presta muncho:



Por cierto, si quies oir una versión preciosa d'esti mesmu tema (en realidá, meyor que la de los Vipers), pola gran Mapi Quintana, el gran Adrián Carrio, el gran David Casillas y el non menos grande Jaime Moraga, pincha equí. Ye una pena que nun tea entero.

Kenny Rankin

Y ya que tamos con You'd be so nice, otra versión d'esti tema con un maestru. Otru como Schuur, que nun ye precisamente un don naide, pero que nun ye conocíu como debería. Dalguien con un instrumentu vocal mui versátil, con munchu gustu pa cantar, y que tristemente morrió fai un par d'años. Merez la pena oyilu al final d'esti tema, cuandu dempués de cantar tola canción agudo, fai un "vamp" nel que entama a cantar colos graves tamién. Presta cómo entama solu col contrabaxu, y terminen tamién los dos.



Otru canciu que me gusta muncho, y que-yos dedica a una parexa amiga d'él que cumplíen 38 años de casaos, More than you know (vaya luxu). Vaiga esti apunte en memoria de Kenny Rankin.

1 comentario:

Hiroshige dijo...

Sin leerte porque últimamente nun doy pa más: Me gustan Alter Bridge :-)
¿Te acuerdas de un intento de aprender gaélico para entender canciones? Con el gaélico no pude pero con el germano estoy encantada.
Un palín a la lista de logros en la vida ;-)