Testu n"asturiano Lo que sobra nel baloncestu

Fai años, el baloncestu yera la mi pasión. Y últimamente toi tornando a disfrutalo, gracies a la televisión pública.

Pero hay coses que sobren. Hai coses que tornen el baloncestu nun supliciu, envede el ballet maraviyosu que ye.

Así que vamos pensar un poco en qué ye lo que-y sobra al baloncestu güey.

1. Periodistas protagonistas

Pa tresmitir partidos de baloncestu, sobra la xente que piensa que el baloncestu ye aburríu. La xente que nun-y gusta el baloncestu. Nin, dedícate a otra cosa. O, cenciellamente, calla la boca, y dexa que la xente vea a los xugaores, que son los protagonistas.

El peor y más nocivu exemplu d'esto, y culpable de que yo dexara dafechu de ver baloncestu, yera Andrés montes. Por desgracia, morrió. Pero que dexara de tresmitir partíos nun ye una desgracia. Nun fai falta que el locutor seya un apasionáu del baloncestu, pero pa cuntar lo que ta pasando fai falta que él se entere, y se entere meyor que el espectaor. Si non, val más que calle y mos dexe velo tranquilos.

2. Faldes

Vamos a ver, señores.

Hai unes cuantes ocasiones nes que ye aceutable que un paisanu lleve faldes, o faldes-pantalón. Y dizlo daquién mui poco preocupáu pola moda, y percomprensivu con tol mundu.

Nun digo ná d'esti; paezme bien. Personalmente nun me gusta un ren, nin él nin lo que fai, pero ye el so oficiu. No problem.



Otros paisanos que puen llevar falda ensin problema son estos.



O estos señores de les hosties como campanos, en delles variedáes.




O estos otros señores de les hosties como campanos (no, nun ye un erru del copia-pega). De les milenta coses que me paecen mal d'ellos, la falda nun ye una.



Pero onde nun se pue llevar faldamentos ye pa facer esto. Non, non, non, ¡non!






¿Qué son eses faldes por debaxo la rodilla? ¿Qué son esos trapos ondeando al vientu? ¿Qué son eses pates d'elefante moviéndose cuandu corres? ¿Qué ye toa esa tela pesando y estorbando? Pero penrriba too... ¿QUÉ YE ESI DISFRAZ TAN FEU?

A mí recuérdenme esto:




Esos señores de la foto, los del 05-06, nun son de 2005-2006. Son de 1905-1906.

¿Qué coime de foto ye esta pa un All-Star? ¿De qué van disfrazáos?




Ya, ye cosa de vezu, pue ún acostumbrase a velo, ye "lo normal" anguañu. Tamién hai quien diz que ye más cómoda toa esa tela colgando. Nun voi discutilo. Nun voi discutilo, porque lo que nun tá bien, nun tá bien, y pa eso, que xueguen de chándal, como Belén Esteban. Un mal día, pa distinguise, entamaron a poner eses faldes Michael Jordan y Hakeem Olajuwon, y ehí se fastidió la cosa.

Pero el baloncestu ye ASINA. Asina se va vestíu a un All-Star:



Esto xuégase asina:






Y PUNTU.

3. Valerio Lazarov

¿Que quién ye Valerio Lazarov? Un realizaor que nos años 1970 fízose famosu porque iba de modernu y xugaba tol ratu col zoom. Mira esto, que dura poco y entenderáslo too; ye un manifiestu.



Algo que marea igual o más que la montaña rusa. Me parto. Cuánta razón teníes, compañeru.

La televisión meyoró abondo de venti años p'acá. Cuandu Gigantes del basket entamó a usar flash electrónicu, anunciábenlo en portada como una gran cosa. Güey, nun sé, de xuru que ya ta obsoleto y usen flash cuánticu, pero d'aquella foi verdá que les fotos yeren muuuuncho meyores, y se notaba. De les televisiones de güey, el formatu panorámicu, el soníu, los medios de tresmisión... nin falamos.

Y resulta que nunca se vio el baloncestu en televisión tan mal como agora.

Si un xugaor fai un pase, o tira un triple, ¿qué veíes fai venti años, naquelles televisiones pequeñes y males? Dalgo como esto:



De la misma xugáa, ¿qué ves güey? Dalgo como esto:



Realizaores, cámaras: sacáis lo peor de mí. Que lo sepáis.

Lo meyor que pue facer la televisión, pa un sucesu, ye dexame ver dalgo como si tuviera ellí. Bueno, ye meyor tovía si me facilita coses que nun tendría tando ellí: les repeticiones, por exemplu, o comentarios de xente que ta xunto al banquillu y siente a los entrenaores.

Pero esi putu zoom NUN ME DA NADA: QUÍTAME DE VER EL PARTÍU. Nun sé a qué mentecatu se-y ocurrió que cuando un xugaor tira a canasta lo que necesitamos ye a) que mos mueva muuuuuncho la cámara pa mareanos, y b) que mos amuese el balón en primer planu. YA SABEMOS CÓMO YE EL BALÓN, PAZGUATOS.

Falando de repeticiones: enantes poníenles y podíes ver coses complicáes o que se te pasaren. Agora paez que yos cuesta dineru. Ye increíble; nun dan ni una cuandu fai falta.

Total: pa lo que valía la televisión, nun se usa. Pa lo que fai maldita la falta, úsase a fondo.

4. Los cartelinos piquiñinos

Home, hai que entendelo. Nel añu 1988, ó 1990, los medios téunicos yeren más probes.
Nun hebía ordenaores perdayures, que digamos. Por eso, cuandu poníes aquella tele cutre, el grafismu nun yera una maraviya. Y además esto nun ye Full HD, ye una captura d'una grabación nuna mala cinta de VHS. ¿Que equipos xueguen, cómo van, cuánto queda?



Anda, ¿quién ye esi que acaba d'encestar?



Final olímpica de 1988. ¿Quién xuega polos soviéticos?



Esi aleru rusu nun ye malu, mira que si la Unión Soviética yos levanta la medalla d'oru a los Estaos Xuníos y David Robinson marcha calentín pa casa... ¿Quién ye esi guah.e? Promete, quedaría bien nos Atlanta Hawks, ¿que no? ¿Cuánto mide? ¿Pesa bastante pa la NBA? ¿Y ye xoven bastante pa entamar carrera ellí?



Bueno, ye un poco probe. Anguañu tenemos meyores medios. ¿Cómo se ven güey los partíos?

Turquía, 2010.



España, 2012.



Güey ye perdifícil, raro, que te pongan datos de los xugaores. Cuesta un trunfu conocelos. Pero de toes maneres, nun importa un ren, porque si quies ver cómo va el putu marcador, HAS LEVANTATE DE LA SILLA. Y si quies ver quién xuega, nun te val con levantate de la silla, porque pónente TRES LLETRES pa nomar el equipu. Tú sabrás qué ye GBB.

Con pantalles que paecen campos de fúbol, ¿por qué esa manía de poner poca información, y tan pequeña? Ah, amigo. Nun se pue desperdiciar un centímetru cuadráu de pantalla. Necesitámosla toa.

Pa ver planos de detalle del balón, claro.