Testu n"asturiano Jo Ann Greer

Margarita Cansino, tamién conocía por Rita Hayworth, ye una d'eses muyeres d'elegancia clásica, d'eses que ya nun puen trunfar de manera dala. Güey llámase glamouroses a otres especies.

Si queríes ver cómo se despierta Rita Hayworth, y se levanta, y se despereza'n francés, y se baña... bueno, diba ser perdifícil. Pero pues ver cómo lo fizo na película Pal Joey, con Frank Sinatra y Kim Novak. Nesta escena canta un canciu maraviyosu, Bewitched, bothered and bewildered, que delles veces nómase como Bewitched namás.

Bueno, ella non canta. En realidá, nesta película nun canten les actrices; a Kim Novak doblóla Trudy Erwin y a Rita doblóla Jo Ann Greer.



Nun ye fácil atopar información sobre Jo Ann Greer, nin siquiera'n Internet. Na entrada de Pal Joey en Wikipedia ya'n IMDB nun nomen a Jo Ann, sí a Trudy (en IMDB sí nomen a Greer, pero namás si pinches nos detalles del "trivia").

Asina que, como nesti blog reconozse a los perdeores, sirva esta entrada d'homenaxe a Jo Ann Greer. Y ya puestos, a Rita Hayworth, otra perdeora.

Si busques más versiones d'esi canciu, vas atopar a Barbra Streisand, Doris Day... pero de xuru que la más guapa que vas encontrar cantáa ye... sí, como siempre. D'Ella Fitzgerald. A esta nun la doblaba naide. Esta sí t'enamora cola música.



La versión que más me llega, por embargu, pue que seya esta d'Antonio Hart.

1 comentario:

Rose Holiday dijo...

Qué cancionina tan guapa,qué de Ella hay en ella....
Un regalo a estas horas del año y de la noche.
Besos.
:)