Tú nun pués dedicate a esto, nin

El físicu abre munches puertes, ta claro.

Si yes como el paisanu a mandrecha, pues escoyer. Pues ser actor, y facer telenoveles. Y lluéu, cuandu te pete, pues ponete a cantar, y facer carrera na música. Pues vender millones de discos. Pues llegar a muncha xente, llenar estadios.

Si yes como el paisanín a manzorga... ¿ónde vas? Osteoxénesis imperfecta, se llama. Con esa imaxen, con esi cuerpu, nun sé qué pues cantar, nin baillar. La guitarra ye más grande que tú. ¡El taburete del pianu ye más grande que tú! Dibes tener que tocar ca tecla d'un puñetazu.

A mandrecha, los escoyíos. Un bon chaval, que canta, bailla, enamora. Una estrella. A manzorga, un paisanu con toles lletres: calvu, vieyu, con una cara gris, amargá. ¿Con cuál mos quedamos? ¿Quién pue facer hestoria, ser conocíu por tola humanidá, derretir millones de corazones? ¿Quién tien que pasar a la hestoria, como Aquiles? Tá claro.








Pero peren, un momentu. Dén-yos una oportunidá a los monstruos. Si tienen siete minutos y mediu, non lo duden: escuchen. Cuesta más trabayu que escuchar a los otros, sí; son feos, nun traen baillarines, nun hai coreografíes. Nun hai ná. Pero por una vez, dén-yos la oportunidá. Nun son más que siete minutos. Prubitinos, merecen un poco de caridá. Probes.

Escuchen y vean, al paisanu y al enanu. Jim Hall y Michel Petrucciani. "Beautiful love".