Testu n"asturiano Un premiu a una periodista

Veo nel resumen de prensa de la universidá que ayeri diéron-y un premiu a Eva Montes, una periodista de El Comercio.

La noticia que ponen fala de los premios IV Centenario que da la Universidá. Nel artículu nun se sabe mui bien qué son esos premios; fálase más que nada del premiu que-y dan a Montes, que trabaya pa El Comercio, onde sal la noticia. Del restu de la entrega dícense coses abondo imprecises y pémeque incorreutes.

Con esti premiu diz el rector que quieren reconocer el rigor d'esta periodista (manque suéname que lleí dellos artículos d'ella abondo discutibles). Y sobre todo por un artículu sobre los 400 años de la Universidá y una entrevista al mesmu Rector. Artículu y entrevista que, ya que tamos... asoleyáronse en El Comercio cuandu esti periódicu dio unos tales premios col so nome, ún de los cuales foi pa... sí, pa la Universidá.

El resume de too esto ye, entós, que un periódicu dá-y un premiu a la Universidá, y dempués la Universidá dá-y un premiu a una redautora del periódicu, y non ya por otres coses, sinon en especial por artículos que fizo sobre la Universidá y el Rector cuandu el so periódicu yos dio a ellos el so premiu.

Nun sé, nun quiero quitá-y la ilusión a Eva Montes, que de xuru que trabayó muncho pa ser una gran periodista. Pero abúltame que esto nun tien muncho que ver col periodismu, y digo más: que lo más periodístico que se podía facer yera nun recoyer esi premiu.

A mí too esto dame un poquiñín de vergüenza axena.

2 comentarios:

Loki dijo...

Por no mencionar su inestimable labor periodística en el caso Armas vs Foro de la EUITIO. En fin...

Guti dijo...

Sí, no quise ir a artículos concretos (como aquella saga memorable) para que no pareciera (porque no lo es) que mi crítica se debía a que escribiera cosas que me gustaran más o menos, o que denotaran mejor o peor profesionalidad. Creo que cualquier periodista debería estar incómodo en una situación de premioteo como esa.