Testu n"asturiano Morrió Jeff Healey

Entérome por Pérez de Albéniz de que morrió Jeff Healey. Un guitarrista que almiro dende que lu conozo. Ciegu, con una téunica mui especial (tocaba cola guitarra en cuellu, echáa enriba los finoyos) y con un estilu de blues llétricu enforma llamativu. Gustábame muncho el so canciu más famosu, Angel Eyes. Nun tengo muncha música de Healey, pero la poca que tengo oyila muncho, y dellos cancios son los típicos que llevaba pa dir a correr.

Qué pena. Morrió a los 41 años, del mismu cáncer que tuvo tola vida y lu dexó ciegu de gua.he. ¿Enteraríase el mi collaciu Román, que tamién-y gustaba muncho? Y a too esto, ¿qué será de Román, que fai tiempu que nun lu veo?

Aparte de la muerte de Healey, otra cosa bien triste ye que, cola de programas culturales y musicales que hai en televisión, tenga que enterame por una columna d'un críticu de televisión, nuna parte que él llama "motivos pa nun ver la televisión" y na que fala de música y otres coses.

Ah, non, pera, confundíme. Que non hai nengún programa d'esos na televisión.

Bueno, sí: Eurovisión. Y otros que ponen pa que nun los veamos.

Morrió un músicu.