Testu n"asturiano Una esposición que merez la pena

Estos días, a ratinos de la parada pal café (yo nun bebo café, pero la pausa fáigola de xemes en cuandu) toi aprovechando pa ver, "por parroquies", una esposición que hai na sala del Banco Herrero, en Suárez de la Riva 4, Uviéu. Llámase Recorridos y amuesen semeyes de una tal Fundación Colectania, concretamente de Paco Gómez, Helena Almeida, Chema Madoz, Carlos Pérez Siquier, Miguel Trillo y Xavier Ribas.

Tovía nun acabé de vela, pero pueo decir que si nun te gustan los museos, vaigas a ver esta esposición. Ye pequeña, nun vas aburrite, y hai imáxenes que dicen milenta coses.

La sobredosis de ciudá de Xavier Ribas, lo cutre y lo kitsch de Carlos Pérez Siquier, la mirada maxistral de Paco Gómez, y sobre too, el inxeniu visual de Chema Madoz, que me dexó ablucáu.

Cuandu ves un cuadru que de lloñe paez una pintura abstracta de estes de un puñáu de rectángulos blancos y prietos, y cuandu te averes ves que ye una semeya que nun tien nada de abstracto, ye que ehí hai algo, una manera de ver les coses. Hai atención, hay una mirada que te presenta una simple escalera, o un perru na cai, o un pie, comu si tuvieres rodiáu d'arte. Y ye asina: el arte ta nos güeyos, non nes coses.

Ye una pena que la páxina de la Fundación Colectania nun funcione, pero bueno, dígote yo que merez la pena ver esta esposición. De xuru que pagaste munches perres por ver mierdes feches en Hollywood, y equí vas ver arte del buenu, gratis.