Bosé, faciendo campaña pa Chávez

Nun pueo ver a Hugo Chávez. Vése a la legua qué triba de tipu ye, y a qué se dedica. Agradézco-y, eso sí, que pa les sos trapaceríes se tome la molestia de presentase a elleiciones y engañar a la xente; eso ye la democracia. De momentu, anque seya triste, a los gobernantes nun podemos pedí-yos muncho más; que nun saquen los tanques, que nun mos faigan matanos unos a otros.

Pero polo demás, ye un suxetu que nun pueo ver delantre.

Por eso nun voy perdoná-y a Miguel Bosé que faiga campaña por Hugo Chávez. Porque dempués de esta amenaza, veo a Venezuela entera votándolu'n masa.

"Nun vaiga ser que si ponemos a otru a Bosé-y dea por venir a... cantar", deben de tar pensando.