Chavez y el rei

Por munches verdáes que digas, si les dices como un fatu, lo que paeces, y lo que yes, ye un fatu. Eso val pa Chavez y pa Ortega.

Chavez interrumpía a Zapatero, y el rei interrumpió a Chavez y a Zapatero, que ya se defendía bien solu.

Agora faen por pintanos lo del Rei como un gran xestu, pero non; foi una patochada. Cuandu se entruga pa qué tenemos rei, hai quien diz que pa representamos. Pues esi trabayu, polo menos, tenía que facelu hasta que suene el turullu, y si lo dexa a medies o lo fai mal, pues que nun-y paguen el xornal. Pídese-y que faiga pocoñines coses; podía, eses poques, faceles bien.

Lo de que Chavez ye amigu de Zapatero paezme una tontería mayúscula. Nesta estaya nun hai amigos, hai namás intereses. Quitando a Aznar y a Bush, que esos sí son amigos, ¿non?

Zapatero foi el únicu un poquiñín razonable, anque nun sobrara que fora más firme col usu de la pallabra y que-y pidiera a Chavez que esperara al final como esperaron los demás cuandu faló (o como queramos decilo) él. Pero el nuesu rei nun-y dio nin tiempu.