Testu n"asturiano París

Fai una selmana tuve un par de días en París.

- Curiáu al cruzar la cai. Ye igual que haiga pasu peatones, ye igual que tengas la lluz verde. Si puen pasar, pasen (anque seya por enrriba ti).

- Un par de vegáes entamé a falar en francés... y retrucáronme'n inglés. Home, yo pueo falar francés permal, pero eso de decí-y al del hotel namás que "Bonjour, quarante-huit, s'il vous plaît" y que te retruque "Are you checking out today?" nun lo entiendo. ¿Fastídia-yos muncho a los franceses sentir falar mal en francés, o ye que tengo pinta d'inglés?

- Si merques un pastel o cualquier otra cosa, y lu comes allí mesmo, cóbrante muncho más. Por ca cosa que merques. Así que curiáu colos precios que pon nos cartelos, que puén ser los precios de cuandu marches cola comida perehí.

- Eso sí, pa beber, pónente agua del grifu si la quies, y nun te la cobren.

- El menú del día ye, munches vegáes, pa escoyer entre primer y segundu platu, o platu y postre. Les tres coses, non. (Afamiáos...)

- París ye caro, sí, pero agora nun ye tan astronómicamente caro como enantes. Polo menos, el sablazu que nos pegaron aquí col euru val pa que cuandu vamos fora nun nos paeza tan grave la cosa.

- Hai un límite nel númeru de eficios monumentales ya impresionantes que una presona pué procesar y ablucase. En parís llega un momentu nel que too te paez normal. Pero de xuru que ye la ciudá que conozo con más edificios maxestuosos. (Falamos del centru, claro.)

- Les papeleres de París son un bastidor, un aru, nel que cuelga una bolsa plásticu. Ensin más. Les papeleres más fees del mundu. Nun entiendo que lo faigan asina, colos efidicios que hai (de espatarrar).

- Les ceres tan llenes de bolardos que molesten más a los peatones que a los coches. Munchos bolardos tan metanes la cera, non nel bordillu.

- La Torre Eiffel ye guapa, prestóme, pero cásique presta más vela dende abaxu que dende arriba. Nun xubí arriba del too; xubí "namás" al segundu pisu, que se pue dir andando poles escaleres y la cola ye muuuuuncho más curtia (y más barato). Pa dir al picalín hai que dir n'ascensor. Les coles pa una cosa y la otra tan en pates diferentes de la torre (pémeque la cola pa xubir poles escaleres ye nel lláu sur).

- Fice por ver series o películes de televisión en francés, pero la verdá ye que nun pescancio casi ná. (En inglés pásame lo mesmo; conferencies mui bien, pero la ficción ye difícil.)

- Lo menos impresionante de París igual ye Notre Dame, con tolo famosa que ye. A la xente que fai películes impresiónenla muncho les hestories de xorobaos y de coses antigües y medievales, pero hai que alcordase que Santullano ya tenía sieglos d'antigüedá enantes de que naciera el que fizo los planos de Notre Dame. Home, ta guapa, sí, pero tampoco ye pa tanto.

- Hai que ver qué mal traducen dalgunes coses. Paézme una chapuza increíble que nes máquines de vender billetes pal tren, si escueyes "español", haiga los erros que hai; "nombre" por "númberu", por exemplu. Ye una máquina que usen ca día miles de persones; ¿nun puen atopar daquién que traduzca bien al español? Si fora'n España, pensaríamos que ye una chapuza típica de les nuestres.

6 comentarios:

boronat dijo...

cagüen la mar, los belgas son iguales para lo del idioma, creo que nos ven el careto, tu vas con tu buena voluntad a hablarles en su idioma y te contestan en inglés... estoy por decir que no hablo inglés... encima que uno hace el esfuerzo, ¡así no hay quien aprenda!

Fer dijo...

Lo de les papeleres ta bien fácil de explicar, tuvieron que quitales toes pa rellenar Uviéu xD.

Anónimo dijo...

Yo estuve este verano y estoy completamente de acuerdo en que "Hai un límite nel númeru de eficios monumentales ya impresionantes que una presona pué procesar y ablucase. En parís llega un momentu nel que too te paez normal".

Según un familiar que vivió en París unos 3 años, lo de las papeleras es para que se pueda ver el contenido de las mismas a simple vista (por el tema del terrorismo). Tampoco he podido confirmar la teoría, pero parece lógico porque en los aeropuertos fuera de París ocurre lo mismo (en el de Marsella al menos).

Sacré Coer se come con patatas a Notre Dame. Como anécdota curiosa decir que cuando estuve acababa de morir un cardenal o algo así y estaba de cuerpo presente cuando visité Notre Dame...

¿No es el metro el mejor invento del mundo?

París es precioso, para visitar ;)

Guti dijo...

No había pensado lo de las papeleras, pero es una teoría... De todas formas, tampoco es que se vea tan bien el interior. Para eso, funcionaba mejor una clásica rejilla, invento que ha demostrado su utilidad repetidamente.

Estoy de acuerdo respecto a Sacré Coeur... Hermoso sitio.

Esfer, me acordé de Oviedo también :-) Pensé: "Mira que Oviedo intenta ser París con su estética decimonónica y no le llega ni a la suela, pero por lo menos tenemos papeleras decentes" XD

Anónimo dijo...

"funcionaba mejor una clásica rejilla, invento que ha demostrado su utilidad repetidamente"

xD

Anónimo dijo...

Agustín, Agustín, Agustín...

Parece mentira para ti que digas y comentes todo éso...

No será que estuviste poco tiempo, y que lo que viste, lo viste demasiado rápido, que no tuviste tiempo a saborearlo?

Que hubieras deseado echar a correr por los Campos Elíseos, emulando a Indurain...

Que te hubiera gustado oler un autoretrato de Van Gogh...

Que te habría gustado perderte por el Cartier Latin...

Agustín, por favor!!!

Volverás a París, te lo digo yo.

Un abrazo tú.