Contradictoria/o

Ayeri aprebóse nel congresu una llei d'igualdá ente homes y muyeres. Tien 56 páxines, que nun lleí enteres, he almitilo.

Paecióme llamativo que nel preámbulu cite a John Stuart Mill falando de la igualdá (va poco lleí un cachu d'un llibru d'él). Tamién que yos pruya lo mesmo que a mí:

[...] la adopción de las llamadas acciones positivas. Se dirige, en este sentido, a todos los poderes públicos un mandato de remoción de situaciones de constatable desigualdad fáctica, no corregibles por la sola formulación del principio de igualdad jurídica o formal. Y en cuanto estas acciones puedan entrañar la formulación de un derecho desigual en favor de las mujeres, se establecen cautelas y condicionamientos para asegurar su licitud constitucional.

[...] se ha incluido el fomento de la presencia equilibrada de mujeres y hombres en los consejos de administración de las sociedades mercantiles, concediendo para ello un plazo razonable. Es finalidad de esta medida que el criterio prevalente en la incorporación de consejeros sea el talento y el rendimiento profesional, ya que, para que el proceso esté presidido por el criterio de imparcialidad, el sexo no debe constituir un obstáculo como factor de elección.

Diz Rajoy que nun-y gusten les cuotes, y neso tamos d'alcuerdu. Columbro por qué se fai eso que se vien llamando "discriminación positiva" y agora, como nun suena bien (anque eso ye, discriminación) llámase "acciones positives". Hai parte de razón en facelo. Pero siguen ensin gustame les cuotes.

Lo que pasa ye que lleendo un pocoñín la llei la cosa nun va tan lloñe. Fálase en trenta sitios de "presencia equilibrada", pero en sitiu dalu se diz qué ye una presencia equilibrada. El artículu 75, esi de los conceyos d'alministración, lo que diz nun ye lo que dicen los telediarios. Diz (bueno, yo lleí la versión que aprebó'l Senáu, nun sé si hebo camudamientos dempués):

Las sociedades obligadas a presentar cuenta de pérdidas y ganancias no abreviada procurarán incluir en su Consejo de administración un número de mujeres que permita alcanzar una presencia equilibrada de mujeres y hombres en un plazo de ocho años a partir de la entrada en vigor de esta Ley.

Lo previsto en el párrafo anterior se tendrá en cuenta para los nombramientos que se realicen a medida que venza el mandato de los consejeros designados antes de la entrada en vigor de esta Ley.

Quier dicise que los que tan agora van siguir ehí, y pa lluéu fálase de "procurar" y de "equilibrada". Vamos, que nun sé si se va poder denunciar a una empresa por nun cumplir esta llei, que nun define formalmente lo que ye equilibráo ni qué ye procurar.

Y la otra cosa que me da dentera ye lo del llinguaxe non sexista. El testu de la llei incumple la llei, porque ye sexista perdayures. A mí paezme persexista decir "les muyeres y los homes", o "los homes y les muyeres", en cualquier ámbitu nel que se tea falando de seres humanos en xeneral. Ye sexista nel sen que-y da al términu el DRAE:

Sexismo: 1.m Atención preponderante al sexo en cualquier aspecto de la vida.

Total, que de xuru que esta llei tien coses importantes ya bien feches. Otres (que nun son de la llei namás, son del movimientu feminista en xeneral) paécenme una mazcayada.

En particular, paezme llamativo tamién que los ponentes de esta llei foron 9 muyeres y dos homes. Hemos pensar, entós, que si nun conceyu d'alministración hai 9 homes y 2 muyeres, hai una "presencia equilibrada". Digo yo.