El vinu que tien la Salgado

Va dellos díes que falen de la llei que ta preparando Sanidá pa lluchar contra'l abusu del alcohol. Primero tocóme sentir a un montón de fatos decir que quitar de fumar nel trabayu o en otros sitios yera una intromisión na llibertá (qué coño sabrán estos lo que ye la llibertá), y ya tuvo ehí la heroína Esperanza Aguirre interviniendo pa que los fumadores, en Madrid, seyan más llibres de putear al vecín (anque agora quier quitar a los gua.hes de usar el teléfonu en clase, ¿sedrá que ya nun ye lliberal?). Y cómo non, agora tamién hai quien pon el gritu nel cielu cuandu se fala de restrinxir el beberciu.

A mí, la verdá, lo del alcohol axenu aféctame menos que'l tabacu, y de toes maneres nun lleera ná de esta llei. Pero ayeri vi Informe Selmanal, onde falaben de esto.

Nun tenía opinión, pero agora téngola. Y non por lo que digan los periodistas d'Informe Selmanal, sinon polo que dixeron los vinateros.

Primero dicen que el vinu nun ye un problema, porque el so mercáu nun son los xóvenes. Dame la risa oyilo, pero de toes maneres... si nun ye el so mercáu, ¿por qué diba afectalos entós la llei? Que nun se opongan, ¿nun ye asina?

Eso sí, lo que más me fizo rime foi velos dicir que el vinu nun ye una bebida alcohólica. Que lo destilao sí, eso sí que ye permalo, pero el vinu non. Y que lo que había que facer yera educar a la xente na "cultura del vinu".

Nun falta razón al decir que educar o enseñar a la xente a consumir daqué con cabeza ye bueno, claro que sí. Pero... a mí, por exemplu, paezmque que hai qu'educalos a ustedes na cultura del agua mineral, o del xugu de piescu. ¿A que nun soi quién pa decidir lo que han beber ustedes? ¿A que el Estáu nun ta pa facer que la xente consuma'l so productu? ¿A que sí tá pa velar pola salú de los ciudadanos si hai un problema de salú pública, causáu por un productu que ustedes faen?

Total, que viendo'l aciu que tien caún, si la ministra de Sanidá sal diciendo que namás quieren que los menores nun beban alcohol, y lluéu salen los vinateros diciéndome que los menores nun beben vinu, que amás el vinu nun ye una bebía alcohólica, que nun ye malo, y que ye un alimentu... paezme que nun me fai falta saber más.

Ministra, toi con usté. Por eliminación, y porque ye la única opción que me dexen les mazcayáes que sentí ayeri.