Testu n"asturiano La dictadura de los enllacios

Veo nel blog Escolar.net un enllaciu a les instrucciones que dan na Biblioteca Virtual Miguel de Cervantes sobre cómo se puen, o no se puen, poner enllacios a les sos páxines. Y entovía toi plasmáu.

Pretenden decime, con llinguaxe xurídicu, supongo que pa asustar, que nun pueo facer un "entorno o barra de navegación" sobre los sos conteníos, qué testu tengo que poner nel enllaciu, y non sólo eso; tamién qué tipu lletra, tamañu y color tengo que poner. O cuántos píxeles tien que haber ente'l iconu (si pongo un enllaciu gráficu) y lo d'alrodiu. O sea, dícenme cómo tengo que maquetar yo la mi páxina.

Nun me cabe na tiesta lo que lleo.

Ye como si yo tengo un restaurante y digo: "Señores, tan ustedes obligaos por esti documentu, porque lo digo yo, a decir siempres la dirección del mi restaurante de la siguiente manera: to en mayúscules, en color roxu, y sorrayáo. Si non, nun puen decir ónde ta'l mi restaurante." Pues mira, pazguatu: si el to restaurante ta na cai del pez, númberu 3, lo último que me faltaba ver ye que tú, pola to santa voluntá, pueas dicime a mí cómo tengo que pronunciar eses pallabres o escribiles.

Nun sé qué drechu tan faciendo por salvaguardar esactamente. Supongo que nun quieren que naide se aproveche de la so imaxe o de los sos conteníos. Pero asoleyar (sí, asoleyar) coses y lluéu pretender que nun tan a la vista'l públicu, y que la xente nun puea falar d'elles como-yos pete, ye una actitú perdifícil de entender. Pa mí que esta xente nun tien ni idega de lo que ye Internet y la filosofía na que se sofita, y tampoco tienen claro ónde acaba la so casa y entama la de los demás.

Y equí toi en mi casa, y digo más: nun sé si l'enllaz que punxe enriba cumple les sos regles o non, pero cenciellamente en Blogger nun hai manera de camudar el color de los enllacios pa un solu enllaciu. Y anque la hubiera, nun diba facelo.

Señores, si quieren protexer el so drechu sobre la so imaxen, la marca, la propiedá intelectual... eso ya ta protexío por otres leyes. Pero si quiero poner un enllaciu a la so páxina, o facer una "barra de navegación" pa los sos conteníos... ye información que soi mui llibre de dar. Esi documentu de condiciones paezme nulu de plenu drechu, pero sobre todo paezme una grosería y una fatiada. Ya inconstitucional, ya puestos.

Espero que nun cunda l'exemplu.

1 comentario:

Anónimo dijo...

Me gusta la tira esta parte:
"...deberá respetar ineludiblemente estas Condiciones Particulares, las Condiciones Generales de Uso del sitio web «cervantesvirtual.com», cualesquiera disposiciones legales aplicables y las exigencias de la moral y las buenas costumbres generalmente aceptadas.

En especial, toda página web que inserte hiperenlaces a este sitio web deberá respetar la dignidad y la libertad humanas, así como por cualesquiera otros derechos y libertades fundamentales recogidas en la Declaración Universal de Derechos Humanos."
Igual piensan que desde la página de Al Qaeda les van a linkar, o algo. Y vamos, lo de la exigencia de la moral y las buenas costumbres generalmente aceptadas si que me hizo partirme. Tendré que tener cuidado de no eructar en mi casa mientras leo el resto...