Testu n"asturiano Una columna de TV

Préstame abondo escribir nel blog. Nun creyí que diba poder escribir tan seguío, asina que foi un ésitu que de verdá me valiera pa practicar un pocoñín la escritura, que too nun pueden ser e-mails.

Por embargu, delles veces pienso que nun sedría capaz d'escribir una columna nun periódicu, o daqué semeyo. Ye perdifícil. La columna de Javier Pérez de Albéniz en El Mundo sobre la televisión (el Descodificador) tá bien delles veces, y otres nun me fai gracia. Pérez nun ye perfectu, pero hai que reconoce-y qu'escribe una columna más o menos solvente, y eso tien munchu méritu. Yo pueo escribir nel blog y tolo que se quiera, pero... él escribe una columna nel periódicu, y yo no. Y hai buenes razones pa que seya asina.

Casualmente, ta acabante d'escribir sobre coses que tamién m'esmolecieron a mí estos días d'atrás. Y punxo dalgunos párrafos contundentes, inapelables, que ya me gustaría a mí saber escribir. Por exemplu, dalguna de les coses que diz en "Sé piedra, 'my friend'". O en "Porno de lo más guarro".

Ya digo, hai días que nun me gusta. Pero ye verdá que él escribe una columna, y yo no, y nesti casu ye por algo.

1 comentario:

luigi dijo...

¿Estación o apeaeru?
Da-y caña al blog Cer, que saque fumo.