Testu n"asturiano Insisto: ¿llocos? Testu n'asturiano

¿Tan llocos o non?

Villepin almitió que nun van poder aplicar el decretu esi del primer trabayu. Por les protestes. Dixera que nun diba recular, pero reculó bien reculáo.

Notru artículu sol mesmu tema fíceme delles entrugues. ¿Tan llocos? ¿Sabe Villepin lo que fai o non? ¿Ye dalguna estratexa? ¿Tan xugando al "A ver quién cansa primero"?

Pues esta vegada la xente nun cansó. Gústame que de xemes en cuandu el pueblu faiga camudar les coses a los políticos. Por embargu, sigo sin entender si esto ye de verdá un erru de cálculu de Villepin, o sabíen perfechamente lo que diba pasar y lo que taben faciendo.

Total, esto igual ye lo que paez y pue desplicase cenciellamente, pero a mí paezme un misteriu.