Testu n"asturiano Morrió Christopher Hitchens

Güey morrió, de cáncer d'esófagu, Christopher Hitchens.

Ente otres coses, Hitchens ye famosu poles sos crítiques a la relixón. Abúltame que fai falta muncha, muncha más xente que critique la relixión. Pero nun vamos echalu de menos namás por eso.

Per otru lláu, Hitchens nun yera precisamente la mi alma ximielga; tenía idegues que nun yeren les míes, yera un bohemiu, dalguien que fumaba como un carreteru y bebía como una esponxa... Nun tábemos na mesma onda, precisamente.

Pero Hitchens yera daquién intelixente, cultu. Y daquién que, anque criticaba fiero la relixión, frontalmente, ensin eses duldes nin medies tintes que tanta xente gasta por miéu a molestar... yera civilizáu. Nun yera a cencielles un provocaor, daquién con ánimu de molestar; yera daquién que esponía les sos idegues, razonábeles, y yera humanu y éticu en tou momentu. Y non buscaba maneres d'imponer el so criteriu, sinon de poder vivir toos xuntos, caún a lo suyo.

Y por eso, por eso sí vamos echalu de menos, y el mundu ye güey un sitiu un tantín peor que ayeri.