Testu n"asturiano Gabinete d'imaxen

Tú pues facer campaña. Pues gastar perres nel estilista, y lluéu un dineral nel fotógrafu. Pues pasar hores escoyendo la semeya que te gusta. Pues tener al xeniu del Photoshop retocando la imaxen, quitando les engurries. Pues abrasar la cartera na imprenta imprimiendo en colorinos, con tola calidá, y lluéu poner a xente a pegar carteles como lloca.

Pero si nun tienes un pocoñín de cuidáo col sitiu onde pegues, tiraste les perres. Y pues perder les eleiciones.

Y si pegues nuna valla ondulá d'una obra, el resultáu de la perspectiva pue ser tremendu.

El otru día, diendo pa La Florida, vi esto, tal cual. Les semeyes nun tan retocáes.

Asina ye como una muyer de bona presencia se tresforma en Popeye el marín.



Y asina un paisanu elegante se convierte en Montgomery Burns.



Señores del gabinete d'imaxen: PROHIBAN pegar los carteles onde nun se debe.