Testu n"asturiano Alfonso Vega Latin Quartet

Ya vos avisé de que nel Plaza's teníais chollos a gustu de tol mundu. Y el xueves pasáu foi a ver al Alfonso Vega Latin Quartet.



Facía tiempu que nun veía tocar a Alfonso Vega (clarinete), a Xaime Arias (piano) o a Eladio Díaz (saxofón). A Leonel Duarte vilu va poco, nel mesmu sitiu, con otra formación de Latin Jazz (Adrián Carrio, Jorge Viejo, el "maestro Orestes" y David Casillas).

Bueno, pues lo que pueo decir ye que nun hai de qué preocupase, tan toos en forma.

Tocaron un repertoriu perguapu, pémeque entamaron con Afro Blue, y tocaron coses como Donna Lee, Footprints, Caravan o esa maravilla, A María Cervantes. Aquí tócala Tito Puente, y al piano tá el Michel Camilo de fai casi 30 años:



Pues nada, tuvieron xeniales. Encantóme Xaime (y eso que tenía un pianín que paecía de xuguete), abondo más que otres veces, que ya ye decir. A Toni Cruz nun lu conocía, llevaba un baxu de 5 cuerdes y pa mí que tovía-y paecíen poques. Y entós invitaron a "un amigu" a subir a tocar: Eladio Díaz. ¿A tocar dalgo facilino y lento? No, home, no. Donna Lee. Dalgo semeyo a esto.



Como tábemos cerca, sentimos a Eladio decí-y a Alfonso "Nun sé si me alcordaré bien de la melodía", y Alfonso díxo-y dalgo como "En eso tamos toos" :-)



Vega y él tuvieron tamién enormes. Además foi un conciertu d'esos nos que se nota muncho a músicos escuchándose, contestándose, faciendo música xuntos. Lo que ye impresionante ye lo de Leo Duarte; ta tocando na batería una cosa que yo nun sedría capaz nin de tararear cinco segundos seguíos, y por embargu tien una cara... non, nin siquiera de seriedá, nin de concentración. Tien cara de "bueno, yo toi equí, teniendo pola puerta pa que nun se cierre". Ablucante.

Mereció la pena facer 60 km, echase tarde y dormir poco. Ye too lo que pueo decir.

(Por embargu, enantes de la llei del tabacu, nun habría ido nin que me lo punxeran a la puerta casa.)

2 comentarios:

Niña hechicera dijo...

Jopelines!!!!

Niña hechicera dijo...

Y por cierto,yo que he visto tocar a Leonel en otras ocasiones ,es así siempre,"emotionless" el tío..y el casu ye que se sale!!!

la próxima vez haré un esfueeeeerzo.
Me puede la vagancia de los jueves,no sé que va ser de mi...

(toy recantando al Pizza y la Monhi antes de ir a currar...menudo par de brrrr!!!!)