Homeopatía nel colexu veterinarios

El otru día vi un anunciu nel periódicu, nel que se decía que diba impartise un cursu d'homeopatía nel colexu veterinarios d'Asturies. Y na páxina web del colexu vi que yera verdá.

El cursu impartiólu una tal Coral Mateo. Que diz coses como les que se dicen equí.

Ye mui típico de la seudociencia. Ponen exemplos de grandes descubridores a los que daquién ridiculizó, pero nun falen de los milenta engañabobos y zoquetes a los que se ridiculizó con razón. Vístense de "ciencia", y dicen que hai universidáes que dan títulos de homeopatía (cosa que nun entiendo), pero al tiempu, desprecien la ciencia diciendo que, como nun pue desplicalo too, ellos tienen razón coles sos muxirangues. Esta muyer permítese falar de la materia escura, o de la gravitación, o de les supercuerdes, cuando el so métodu científicu ye... bueno, el que ye.

Ye revelaor cómo afronta Coral Mateo el cáncer: los tumores hai que dexalos crecer, porque son una rempuesta del organismu pa encerrar les sustancies tóxiques. Nun lo digo yo, dizlo ella equí.

Me dexa preocupáu que un colexu profesional promueva la actividá d'esta xente. Porque lluéu usen esos renuncios pa xustificar que son respetables.