Testu n"asturiano I loves you Porgy

El vienres pasáu fui al Swing a ver a Mapi Quintana, Marco Martínez, Horacio García y Jaime Moraga. Y tocaron estándares perguapos. Ficieron un arreglu de The way you look tonight que tenía cachos a 3/4, otros a 4/4, y otros a swing acelerando el tempu. Tamién tocaron Like someone in love... a 7/8, me parez. Y prestóme too, y de Marco, aparte de cómo acompaña, el solo que fizo en I loves you Porgy.

Esi canciu ta sacáu de Porgy and Bess, una ópera mui especial que fizo George Gershwin. Summertime, una canción famosa onde las haiga, tá sacaa de Porgy and Bess.

Ye música de esa que tien copyright, pero ye patrimoniu de toos. De Summertime hebo milenta versiones, y voi poner una de daquién que se atrevió a cantala, a la so manera, y fízolo dignamente, y eso que Joplin (no, nun ye Bunbury) tien ún de los guitarristas más perroneros y al tiempu más prestosos de la hestoria.



De I loves you Porgy, voi ponete una versión de Nina Simone (siéntolo, que primero me paez que sal un anunciu, pero paciencia):



Y agora, si quies, escuches la de Christina Aguilera y compares (siéntolo, Christina, nun la tengo tomáa contigo, pero ye que méteste en xardines y entós muérdente les garrapates):



Claro, Nina Simone nun ta a la altura de Aguilera; nun fai tantes muxirangues, nin pon tantes carines nin mueve tanto los dedinos. (Ye que tienlos ocupaos tocando el pianu.)

Nun pueo poner la versión de Mapi Quintana y el trío de Marco, nun la tengo. Mapi tampoco se ponía tan tontuca, y además tenía que apartase (ella y Marco) ca vez que daquién tenía que pasar al serviciu, pero zúrra-y a Cristinina por enriba, por baxo, por detrás, por delantre, y lluéu otra vez por enriba y por baxo.

Pero ensin dineru, dicen que la música muerre.

2 comentarios:

Niña hechicera dijo...

Conozco la versión de Nina..la tengo ;)....me encanta hasta con los desafines, su voz rota..en fin,no puedo swer objetiva,ni quiero.
Había visto a Mapi por los youtubes y flipo con la versatilidad vocal e improvisadora que tiene...menudo fenómeno!!
Espero verlos la próxima vez,el Swing tiene su swing,you know ;)

Guti dijo...

Sí, no sé qué pasa, pero el Masaveu era uno de los sitios más incómodos para tocar y ver jazz, y sin embargo era el mejor sitio, y ahora el Swing es todavía más incómodo, y sin embargo...

Está claro, es la música de los inquietos.